Tahir Hussen Pirbhay

The Pédé Blues

2012-02-08T13:22:00.001+04:00

Enemies of our Beloved Mauritius

2011-09-02T07:30:00.003+04:00

Promoting a gross image of Mauritius to foreign media with the support of naïve and immature kids - who were fueled by some cheer-leaders for their X reasons that any sensible man can clearly see - is the work of some enemies of the Nation who spit in the plate they eat.

Their facebook group has nothing to sell to the naïve and immature youth – who does not even know what an economy is – except some dreams, some noises, some excitements and worse, to create and sell a fake image of our Paradise Island as an unstable and insecure, politically, economically and socially speaking.

The title of their facebook group is itself a big lie because there is no such country in the world which is safer than our Paradise Island. So as you can clearly see for yourself how those cheer-leaders are misleading the youth, let us refer to the recent words of a Nobel Laureate :

Joseph E. Stiglitz is University Professor at Columbia University and a Nobel laureate in Economics

described Mauritius as follows :

“Suppose someone were to describe a small country that provided free education through university for all of its citizens, transportation for school children, and free health care – including heart surgery – for all. You might suspect that such a country is either phenomenally rich or on the fast track to fiscal crisis.

After all, rich countries in Europe have increasingly found that they cannot pay for university education, and are asking young people and their families to bear the costs. For its part, the United States has never attempted to give free college for all, and it took a bitter battle just to ensure that America’s poor get access to health care – a guarantee that the Republican Party is now working hard to repeal, claiming that the country cannot afford it.

But Mauritius, a small island nation off the east coast of Africa, is neither particularly rich nor on its way to budgetary ruin. Nonetheless, it has spent the last decades successfully building a diverse economy, a democratic political system, and a strong social safety net. Many countries, not least the US, could learn from its experience.

In a recent visit to this tropical archipelago of 1.3 million people, I had a chance to see some of the leaps Mauritius has taken – accomplishments that can seem bewildering in light of the debate in the US and elsewhere. Consider home ownership: while American conservatives say that the government’s attempt to extend home ownership to 70% of the US population was responsible for the financial meltdown, 87% of Mauritians own their own homes – without fueling a housing bubble.” - “The Mauritius Miracle” 2011-03-07

Tahir Hussen Pirbhay

www.facebook.com/pirbhay

2011-09-02

Revolision 15.000

2011-09-01T07:19:00.003+04:00

Che ek Fidel [tann jir ena Mao osi ladan]

'inn tom par zot latet

kre enn grup facebook

sakenn klik lor add – bel fet !

'grup grosi kuma mutuk

'pangar zur zot desann lor sime

mank trwa “0” dan zot sif

laba tu Morisyen pe pipe dan sann-mars,

isi 3 zero pu bow zur 11 septam

E nu pu rapel zot kuma “les 15”

uswa “le groupe des 15”

e kitfwa enn bulbak pu fer enn ti fim lor zot

super sikse asire, gras'a jibwa pwent bann polisye

Tahir Pirbhay 31.08.2011

www.facebook.com/pirbhay

Political language... is designed to make lies sound truthful and murder respectable, and to give an appearance of solidity to pure wind. ~ George Orwell

Rim Lark-an-syel avek F...

2011-08-10T10:58:00.000+04:00

sa bann-la,

misye madam

zot rim...

kares

lapes

metres

stres

anti-stres

ladres

febles

fines

fles

hmmm hmmm

promes

suples

vites

detres

delikates

pretex

reflex

endex

durex

anarex

sex

tu sa,

misye madam,

avek "fes"

sil-vu-ple,

misye madam,

kifer rim "lark-an-syel"

avek "fes" ;

li rim plito bien,

zot "lark-an-syel"

avek "bordel"

en ti-prenses ?

non , me oh ! ki zes ?!

enn ti-kleenex ?

Bonjye pa “Gay-Friendly” !

2011-05-19T07:44:00.001+04:00

Dan lepok ki nu pe viv, deklar e sutenir bann imoralite, inn vinn enn fierte – enn mark dentelizans e modernite – tanji-ki seki lev so lavwa kont sa-mem imoralite, so bann pratikan, so bann senpatizan e mejia, skandalize, kriye “barbar”, “ti-lespri”, “aryere”.

ME, eski Bonjye, kan

1. li ti detrir Sodom e Gomor (Genesis 19:4-5, 11-13, 24) li ti enn “barbar” e zorji bann imen zot pli sivilize e konpasionan ki li ?
2. li apel omosexialite enn abominasion (Leviticus 18:22), li enn “ti lespri” e aster bann zom-modern ena plis lespri ki li ?
3. ti donn imen bann revelasion (Isaiah 40:8) kuma viv lor later e dan sosiete, ti ena enn dat expirasion e kan depas sa dat-la, seki ankor krwar ladan zot bann “aryere” e lalwa ki mortel kre ena plis sazes ?

Repons la li NON. Trwa pli gran relizion monoteist - Zidaism, Kristianism e Islam - krwar dan enn Bonjye, ki pli konpasionan, ena plis sazes e eternel.

Konpasionan pa vejir konpasione avek enn vis ; lager kont enn vis pa vejir ti lespri ; e krwar dan lalwa jivinn ki kre larmoni e non pa destriksion e malaji dan nu sosiete pa vejir aryere.

Demokrasi, modernite, e enn lepep sivilize pa sinonim lanarsi kot tu zafer ki bann ajilt fer ant zot li akseptab.

Eski relizion bizen swiv e mars avek bann lalwa ki bann mortel ki ranpli ar defo kre e res sanze (dapre seki zot apel evolision), uswa bann mortel bizen swiv lalwa jivinn kinn kre par Leternel ki san defo ?

Zot repons li egal zot swa. Monn fer mo swa e li pa enn deba :

"The grass withers, the flower fades, but the word of our God stands forever." Isaiah 40:8

Tahir Pirbhay
tahir.pirbhay@gmail.com
Merkreji 18 Me 2011

Ojio Poem : Ti Mus

2011-05-12T10:46:00.002+04:00

Premye ojio poem anrezistre : Mor Anvi Truv Twa

2011-05-10T18:22:00.000+04:00

Fotografi : Ki vejir « Amater » e « Profesionel » e ki sann-la enn fotograf

2011-05-10T07:21:00.002+04:00

De semenn avan mo ti truv ankor enn lot "status" lor facebook kot enn kontak ti poste "Give a monkey a camera and you get a photographer". Sa tip sarkasm-la li pa nuvo e li pa zis enn "palab" Morisien me li enn fraz bien kuran dan lemond fotografi.

1. Definision "Amater" & "Profesionel" :

Kan mo pe jir "lemond fotografi", vejir bann amater e profesionel. Zisteman ! La-koz prensipal kifer bann jimunn pas sa bann remark-la li akoz zot mekonesans lor ki vejir amater e profesionel. Kitfwa zot krwar ki zot pe zwe enn zwe nintendo kot apre sak staz u reysi, u nivo sorti depi novis, vinn amater, semi-pro e finalman pro (e kitfwa ena "ace" osi ki kone!). A nu get jiksioner Cambridge ki definision done pu bann term swivan dan kontext fotografi :

professional : describes someone who does a job that people usually do as a hobby

amateur : taking part in an activity for pleasure, not as a job

Dapre jiksioner Cambridge, nenport ki jimunn ki geny kas pu tir foto li enn profesionel e seki pa geny kas zot bann amater mem si ena bann amater ki ena plis konesans e projwir pli bon rezilta ki enn pro.

2. Definision "Fotograf" e "Fotografi"

Deziem rezon, li enn deziem mekonesans e senn-fwa-la, lor ki vejir enn fotograf e fotografi. Kan zot lans bann sarkasm parey, li akoz zot pa aksepte ki enn bann jimunn apel zot-mem "bann fotograf" parski sitan zot ego mari gran, zot krwar ki zot tusel ki bann fotograf dan Moris. Ena panse fodre ena sa dan jisan : papa fotograf , mwa mo fotograf. Ena panse fodre pa servi bann "photo editing software" e lot extrem, ena panse ki fodre u konn edit bann foto a 75% u plis !!! Ena panse fodre u enn jisip enn fotograf repite e partaz mem stil ki li. Ena panse fodre gran piblik tap lame e ena u foto lor zurnal e figir lor tele, e ena panse ki fodre u ena plen admirater. Ena panse fodre u pratik sa pandan X letan e ena panse ki fodre u etijye li akademikman a-lon-term. Ena osi enn kategori ki panse fodre ki zot truv bug-la so bann foto zoli pu appel li fotograf, uswa fodre zot guru jir entel enn fotograf lerla zot pu dakor. E pu termine, ena enn lot grup jimunn ki panse fodre bann « nuvo » zot bon dan les-bot e aksepte tu so bann kritik pu li e so grup « fotograf » kapav apel entel enn fotograf.

Me kitfwa zot pa kone ki lar li sibzektif. Enn foto ki enn jimunn kapav truv mejiok, enn lot kapav truv li parfe. Enn prof lar, par exanp, li kapav donn enn zelev 90% tanji ki enn lot prof, pu mem kreasion kapav donn zelev-la 70%. Zis lor metriz teknik ki tu-le-de prof kapav tom dakor. Alor kan fer kritik, bizen kone ki zis kote teknik ki kapav kritike e ki manyer bizen kritike. Suvan bann jimunn pas lor enn foto e poste bann komanter (lor facebook) kot zot fer bann kritik baze lor kuma kapav fer foto-la vinn pli zoli. Me seki zoli pu x, li kapav vilen pu y.

E bann kritik bizen akonpanye avek sigzesion de enn u plizir jiferan opsion ki posib pu amenn bann ameliorasion lor kuma kapav met size-la plis an-valer e pas mesaz ki fotograf-la anvi pase pli bien. Non-pa akoz entel pe pratik fotografi depi bien lontan ki e li apel entel, li kapav permet li bliye bon-manyer, koz kuma li anvi, kumajir bann prof dan lekol primer dan ansien lepok, « fer kumsa », « pa fer kumsa » etc, e si pa ekute lans bann ensilt « donn enn zako enn kamera li pran li pu fotograf ! ».

E osi, mo sulinye ki kan fer kritik lor enn tip fotografi, fodre ki u baz u kritik dapre sa tip fotografi. Mo explik-mwa : Enn fotograf lamod par exanp, si li al fer enn kritik lor enn foto, jizon enn peizaz an nwar-e-blan, li bizen avan-tu re-konjisionn li dan mood e teknik sa zanr fotografi-la. Li pu enn enbesilite pu ziz sa foto-la dapre zanr fotografi ki li pratike. Si li pa kapav, mye vo turn paz olye pas bann move komanter ubien mem bann ensilt. Alor si li pa dakor avek u enbesilite li pa enn fotograf, en ?

Purtan kan nu konsilte mem jiksioner, nu geny bann definision swivan :

photographer : a person who takes photographs, either as a job or hobby

photography : (the activity or job of taking) photographs or films

3. Revolision jizital

Ipokritman bann ki mok lezot fotograf lor pwen ki, si zorji zot pe kapav servi enn kamera li akoz nu pe viv dan enn lemond jizital, seki vejir,

1) kamera inn vinn bien fasil pu servi, ranpli avek tu kalite opsion e fonksion user-friendly,

2) ena bann fonksion otomatik pu sak tip fotografi kuma portre, spor, peizaz etc

3) kapav tutswit tieke kuma foto la paret lor lekran

4) seki vejir, kapav tutswit fer bann mojifikasion

5) e seki osi vejir, li pa kut ser pu servi ; zis bizen aste kamera , e ena bizen aste pil (pu flasher extern). Fini bann fre aste fim, devlop fim e devlop foto.

be zot osi zot pe benefisye bann mem lavantaz! Azorji kitfwa sak jimunn dan enn lakaz ena enn mwayen tir foto. Ki par so portab, point-and-shoot uswa SLR (single lens reflex). Lontan pa tu jimunn ti kapav ena enn kamera SLR, swa akoz li kut tro ser, swa akoz li ti konplike pu servi me gras-a revolision jizital, zorji-zur, demand pu bann kamera SLR pe ogmante ziska ki biento li pu vinn enn projwi ki prekse tu jimunn pu posede, parey kuma ena enn TV dan lakaz. E sa fristre bann ki gonfle avek ego ! Zot panse zis fodre u projwir bann top rezilta ki kapav apel entel enn fotograf pu ki afen kapav jiferansye zot depi la-ful fotograf.

Me les mo jir zot, si zame zot donn enn zako enn kamera ek li tir u foto, alor kone ki fotograf sa foto-la li enn zako, munwar. Me la, mo poz mwa la-kestion : “Ki sann-la pli zako ant sa de la (pu konfye u kamera enn zako).” An franse nu jir « Bon vent ». Mo prefer servi mo kreol e swet bann jimunn ki kontinye pas bann tel komanter :

“Bon Pete!”

© Tahir Hussen Pirbhay

Samji 23 Avril 2011

DENONS KRIOTE ANVER BANN ZANIMO - A nu montre zot !

2011-04-23T19:41:00.001+04:00

"If slaughterhouses had glass walls, everyone would be a vegetarian". Paul McCartney

Enn grup drwa-de-bann-zanimo baze dan Chicago pe met an plas bann gran lekran TV lor enn larut kot ena buku trafik ki tus 40 lavil pu sok bann konsomater-laviann.

Dan enn pei ki konsom anviron 185 laliv laviann sak lane par abitan - seki klas zot parmi trwa premye pei pli gran konsomater laviann dan lemond - alor vre-kestion se kifer zot pe rod konsiantiz la-popilasyon.

Zot rezon li :

1) Expoz kriote ki zanimo pe sibir dan bann la-ferm enjistrialize.

2) Fer bann konsomater-laviann vizit labatwar avan zot re al desir bann kadav kinn masakre depi pa kone komye zur.

3) Kre respe e konpasyon anver bann zanimo

Dan sa lozik-la, vi ki ISKCON Phoenix zot enn organizasyon vezetaryen, bien konpasyonan anver bann zanimo e resaman zot finn uvertman denons kriote ki bann zanimo pe sibir a-traver de manifestasion a Phoenix, zot kapav vinn bann premye vre-aktivist (ki aktif) drwa-de-bann-zanimo dan Moris si zot osi zot enplant enn gran lekran lor zot teren sirtu ki li enn pwen stratezik kot ena buku trafik.

Dan sa demars-la, li pu enn plezir pu bann asosiasion lokal e enternasional drwa-de-bann-zanimo, bann vezetarien e vegann, bann asosiasion sosio-kiltirel e tu enjiviji ki santi zot konserne, zwenn avek zot lame dan lame pu uver lizie bann jimunn e fer zot truv violans e tortir ki bann inosan pe sibir zis pu ranpli bann lekor-simityer-zanimo.

Azute avek sa, ena osi lezot mwayen kuma jistribision bann T-Shirt e poster, tan-ki-posib gratis, enprime avek bann mesaz de konpasion e denonsiasion pu resi sansibiliz maximam la-popilasyon.

Kumsa, nu pu kapav montre la-popilasyon kuma zot pe ankuraz sa violans kontijienn-la premyeman, par zot demand, deziem-man par silans bann ki deza o-kuran ek trwaziem-man, par ipokrizi bann seki refiz rod kone. Ipokritman, zot ena bann reaksion kuma "sa pu donn mwa kosmar" me purtan zot aval sa bann kosmar-la avek gran lapeti.

Tahir Pirbhay & Vanishta Mungur

13 Avril 2011

Fam nuri popilasyon ?

2011-03-30T14:59:00.000+04:00

Ena enn tandans deifikasyon bann fam ek abes zom zorji-zur ek sitan sa bann propo-la repete, li pas inapersi ek pa zis akseptab par bann zom, me suvan-de-fwa prononse par bann zom ! Eski li pa zis enn stratrezi politik pu fer zot admire par bann fam ki truv bann zom ki deifye zot kuma bann zom-modern, ek finalman geny zot admirasyon e vot ?

Le Mauricien 28.03.2011 ti pibliye obzervasyon enn senjika ki jir se bann fam ki nuri la-popilasyon, zot ki konn realite bann pri, ki bann zom kontant zot zis amenn kas dan lakaz ek zom kupab parski zot pa realiz zot responsabilite. Mo pa kone ki lepok mo kamarad pe viv ek kuma linn fer sa obzervasyon-la me les mo rapel li enpe pwen :

1) Avek sa lemond "feminize"-la, zom ek fam travay ek tu-le-de kontribye dan lakaz, swa par
gurmanjiz pu akerir plis lix swa pu resi rul menaz. Mo pa konn enn fam ki anba 40 an (dapre mo konesans ; mo pann fer resansma) ki fam-o-fwaye. Sakenn kontribye dan pey delo, lalimyer, anpren, rasyon, ek lezot depans. Fam res lakaz ek zom kontant zot zis par amenn kas dan lakaz, li enn zistwar lontan - malerezma !

2) Bann ti-labutik dan kwen sime pe jisparet e se bann super-marse ek iper-marse ki pe pran plas. Zom ek fam travay enn dan la-semenn ena zis wikenn pu pas letan ansam e bann grand-sirfas zot pa sitye dan tu kwen sime. Alor pu pas plis letan ansam, ek akoz jistans, bann fam akonpanye par zot mari kan zot al pran rasyon, e mo pa krwar ki bann mari-la pa truv pri kan pe met komisyon dan kaji e kan li pas so kart ATM lor lakes.

3) Zeneralize ki bann zom zot kupab parski zot pa realize ki zot ena responsabilite, mo truv sa
sokan e inakseptab. Dan mo lavi kup, nu tu-le-de ti fer bann sakrefis enorm parey kuma bann jimunn ki mo kotwaye dan jiferan laz e kominote, pu resi aste teren, konstrir lakaz ek rul menaz dan jinite. Bref, pu fer progre. Pa ki nu ena bann portfey minist, me avek nu saler modest nu resi zwenn nu bann depans e fer lekonomi.

Mo pa jir ki tu zom kumsa, me pa vejir ki tu fam zot bann sen. Parey kuma ena zom iresponsab, ena fam ki kontan gaspiye - bann lame tru. Kantite u mete, pitay nayi ba !

Tahir Hussen Pirbhay
30 Mars 2011

li la...

2010-09-19T14:35:00.000+04:00

li la, devan so lekran

dan so lasam som

enn vye rido ki zame rise

lafenet ki zame uver

li la, dan enn lakaz

parmi plizir lezot

personn pa vinn kot li

li pa al kot personn

li la, dan enn landrwa

elwanye ar so bann pros

kot personn pa konn li

ek li pa konn personn

li la, dan so lasam som

pe ekut "deryer baro" lor rajyo

parski zwazo deor pe deranz li

ar zot bann sante ki zame fini

li la, avek so bann konserv

avek so bann liv

avek so bann malaji

avek so desten

� TAHIR PIRBHAY 2010.09.19

dernye swe

2010-09-19T14:27:00.000+04:00

leve ansam ar soley

premye reyon

anbras mo lapo

lizye ferme

surir

enn jivan fre

kares mo seve

frisone

lesyel nwar vinn ble

kolorye tu bann pye

kuler lavi

kolorye mo leker ver

pye-ni lor marb, glase

tuni kuma enn nuvo-ne

get lemond avek enn nuvo lizye

emerveye

lespri dekuver

lape ek leker,

lazwa

ki reste pu viv

sinon ki meyer lokazyon pu mor

avan ki mo kit mo lekor

pu enn long vwayaz

mo anvway twa enn mesaz

pu swet twa enn bon revey

ek enn bon lavi

� Tahir Pirbhay 2010.09.16

Laglas

2010-08-09T18:48:00.000+04:00

debut devan enn laglas ki reflekte la'verite
kumajir enn kuyon pe lir enn ansikopleji lor so bann malpropte
komye letan zot pu kapav tini devan twa Tahir ?

kan zot fek konn twa zot res admir zot refle dan to lizye
avek letan zot bann defo kumans aparet
per pu koze ziska degu trangle zot liku, zot bure ale !

� Tahir Pirbhay

ELEKSYON DAN LIL ZOKRIS

2010-05-14T08:31:00.001+04:00

lane swasant byen lwen - na-pena gos , drwat , omilye
kan eleksyon koste, bann parti kumans fornike

sa-kut-la Parti Truv Ruz trap Mari Sovaz Muvman
avek benejiksyon zot gestapo << "Voice of" Huligan >>

dan zot partuz zot met Bolom-Muzonn jivan jivan
pu geny senpati bann vyeyar ek kuyonn kominote duz pursan

zot sel adverser : Mustas ek so bann veteran,
pena-erer, partu kot ena kaka-vas, Mustas pu perdan

donn enn pye banann enn tike, met li lider enn muvman,
kaka-vas pu vot pye banann, me zame enn blan !

(resanblans avek la-realite li enn "pir" kwensidans")

© Tahir Pirbhay

To lagel

2010-03-03T10:29:00.000+04:00

To lagel
mari zoli
ah non, pa pu jir kuma enn pubel
mo sovaz, me pa kumsa, kan mem

To lagel
non non, pa kuma jimyel
me kuma mus-jimyel
enn trale bzzz bzzz

To lagel
kan li uver, bizen anbras li
samem meyer fason pu ferm li
tansyon mo al kas kas li

To lagel
prev ki lalang pena lezo
li bate enn vites kumajir to sak lezo
kav fer lil zokris geny meday olenpik

To lapel
ah piten ! sori ;
pa pe rod jir li enn bwat lapusyer
anplas g monn al pronons P

to kone, mo ti pe rod jir

TO LAGEL !

(c) Tahir Hussen Pirbhay
2010.03.03

LANGAZ : Mepri pou so prop kiltir

2009-09-25T00:05:00.001+04:00

Souvan, malerezman, zot konpar Maurice avek l'Inde, ek malerezman, vremem li pe resanble l'Inde de zour-an-zour ek byinto Morisyen pou paret kouma bann Indien, ki koz zis angle ek valoriz zis sa langaz-la ek trouv langaz zot pei "inferyer".

Semenn pase ti gagn enn fim lor MBC Movie Channel apel Yatra, enn zistwar (fiktif) lor enn ekrivin so lavi ek enn moman dan fim-la, ekrivin-la demann enn fam ki liv linn lir pou li, akoz fam-la dir li ki li enn gran "fan" so bann liv. Li reponn ki linn lir zis bann liv kinn tradir an angle parski li pa konn lir ek ekrir hinndi byin (ekrivin-la ekrir zis an hinndi).

Sertin Indien pa konn lir ek ekrir hinndi byin ek zot apel "iletre" bann seki pa konn lir ek ekrir angle.

Pa samem pe arive dan Maurice ?

Laplipar zot bann iletre langaz morisyen me zot konsider zot siperyer akoz zot bann top dan angle ek franse.

Ek bann zelev, kan zot rant iniversite, zot lalang tourne, zot aksan ek mem zot bann expresyon fasyal ek fizik, travesti an Angle ek Merikin !

Tahir Pirbhay

facebook.com/tahirhussen

Pibliye lor Le Mauricien Zeji 24 Septam 2009

Kabir Hussen: Flore à fleur de mots

2009-09-20T09:02:00.000+04:00

Avec une énergie paradoxalement puisée dans une sorte de désespoir, Tahir Hussen Pirbhay tente, par un usage renouvelé du poème en créole, de mesurer l'ampleur et la complexité de l'expérience humaine. Avec Bann Fler Sovaz ce poète et penseur inscrit dans la langue certains ratages de l'expérience soulignant ce que ses poèmes et pensées célèbrent : "Sak poem ek panse li kuma enn fler sovaz ki pus parsi parla dan lafore enjizenn. Zot senboliz bann experyens vre ek imaziner. Kan melanz tu, li form enn otobiografi kripte dan enn langaz poetik..." Parasitée donc par des micro-récits autobiographiques cette poésie de la condition humaine (servitid, prizon, Zom Revolte, tortir...) fait aussi des aveux sur la figure féminine, sur l'ennui, l'injustice, la solitude, les plaisirs défendus. Le recueil Bann Fler Sovaz fait défiler ces thèmes sous formes de fleurs sauvages, épanouies dans des sentiers sans noms mais qui remontent toujours à l'enfance : "Beni tu seki fer leker vinn / Enn zarden, lespri, enn zanfan / kinn zet so lenz dan enn lemond / Ki demann tro dinite / kan mo lame pu pran form enn kup / Ek mo lekor enn sez / Tu jisparet, mem twa /Sof mo lanfans..." Revisitant le topos,

Kabir Hussen fait des fleurs une façon de désigner une expérience du manque et du désir d'un ailleurs entre outrage et outrance : "Pran mo lame / Pa per swiv mwa / To pu dekuver / enn nuvo liniver / Nu pann egare /pa per/ Mari trankil laba / sis pye anba later / Ena lezo ek lever..." Dans un monde où le mal, l'injustice font rage, le jeune poète met en oeuvre l'énergie du négatif, la puissance de l'alcool, pour offrir d'éphémères fleurs. Ecrire devient alors un exercice pour briser les discours convenus et donner accès à ce qui semble être la vraie vie : telle serait alors la version de Tahir du spleen baudelairien : "Poet ek panser, nu bann koleksyoner admirasyon ek malejiksyon.... Enn lespri bien evolye dan enn lemond bann panse bien primitif. Mo pe viv sa degu la tu lezur..."

Si la pudeur du poète sait dire simplement le paradis et l'enfer, le destin, l'amour, évoquer sobrement la misère (Bombay), sa négation de la hiérarchie des valeurs finit sa revue des fleurs sauvages dans un bistro où "nisa lalkol /fermant konversasion / enn plonzon / dan enspirasion / lalkol melanze / avek nikotinn / dan jisan /ralenti letan / tu paret zoli / kalme lespri / enn repo /spontane /trankil..."

Au titre d'ouvrage initiatique, en ce qu'il est le premier livre d'une oeuvre à venir Bann Fler Sovaz apparaît comme une forme d'hommage (la référence à Baudelaire permet de rentrer dans le livre) en même temps qu'il pose les jalons d'un paysage propre au jeune auteur. Dans ce recueil, en un sens expérimental des mouvements violents emportent le récit, à la base de plongée dans des profondeurs et autre "nisa", de combat contre l'injustice, d'affirmation de l'identité. La poésie de Kabir Hussen entremêle le créole mauricien, une rhétorique parfois complexe et un lexique recherché.

Norbert Louis
Week-End 20.09.2009

LANGAZ KREOL

2009-03-23T15:28:00.002+05:00

Repons pou bann kestion NJ

Dan so lartik date le 9 mars 2009 lor Forum Le Mauricien, NJ ti soulev de kestyon :

Premye : " Est-il plus facile d'apprendre l'anglais ou le francais en kreol ? "

Si ou langaz maternel li ni angle, ni franse, pou oblize servi kreol pou zanfan-la kapav konpran. Eski li posib pou enn ansenyan en Chine montre angle ek franse bann zelev ki konpran zis sinwa, san ki li kapav kominike an sinwa ?

Dezyem : " Les enfants qui font preuve de carence en lecture pourront-ils faire mieux en lisant en kreol, langue qui est beaucoup plus difficile à lire même pour les literates ? "

Dapre enn experyans personnel avek 5 zelev ki ti feb dan langaz kolonyal (Form 1 ek Form 3), zot pa ti experyans okenn difikilte pou lir kreol. Ti ena zis pou mo lir enn text enn sel fwa ek an-mem-tan zot ti pe swiv dan zot kopi, pou ki zot ti kapav konpran kouma lir. Ek zot lir li kouma bann literates kreol morisyen parski zot ti ena enn lamour pou aprann zot langaz maternel.

Mo pa pe fer referans avek grafi larmoni (kreol dan ki sa lartik la inn ekrir - grafi ki Le Mauricien servi) ki dilo disik pou lir parski li pli pros avek franse me avek grafi ki finn servi dan Bann Fler Sovaz, ki pli orizinal.

Sa bann literates kouma ou pe fer referans-la, zot bann literates an angle ek franse, me zot bann illiterates dan kreol ek kan zot dir zot pa kapav lir kreol, zot dir li avek enn fyerte ki swivi par enn deklarasyon : " Mo pli a-lez avek angle ek franse mwa ".

Si sa bann literates trouv li difisil pou lir kreol, li akoz sa santiman inferyorite ki zot donn langaz kreol ek si ena enn text an kreol ki zot bizin lir, zot fer li avek enn degou.

41 an Lindepandans, lalang pe pli amare…

Enn Patriot Langaz Kreol

Tahir Hussen Pirbhay

pibliye lor Le Mauricien Lenji le 23 Mars 2009

N° 8

2009-03-09T18:07:00.002+05:00

Kisannla ki pli inbesil ?

Bann lagazet lokal pe definir sa viktwar MSM dan Quartier-Militaire/Moka-la, kouma enn "victoire éclatante" ek dan so intervyou, patron MBC, dir ki bann elektora finn ekout so " mot d'ordre ".

Victoire éclatante ?

Ena enn diferans trwa-mil vot ant Pravind ek Ashock. Apre enn bon rezonnman, sa sif-la paret byen minim kan nou pran an konsiderasion ki Pravind finn gagn soutien partizan Ptr ek bann vot kominal, kouma nou tou kone, sou ki group so linflians ek bann lezot zistwar ki zot pou tande byento lor kouma eleksyon la ti deroule.

Elektora finn ekout Navin ?

Dapre bann statistik, preske lamwatye elektora selman finn vot MSM ek Navin pe flate ki bann elektora sa sirkonskripsyon-la finn ekout li. Li pou pli lozik si nou panse ki bann elekter ki ti absan zot laplipar bann Ptr ki pa anvi al donn zot vot ni chacha ni neve. Sel diferans ki finn fer Pravind so viktwar, se sa ti parti Ptr ki ti al vot an faver Pravind ek bann vot kominal.

Aster fer zot kalkil, ki poursantaz finn ekout Navin, ek ki poursantaz partizan MSM ena laba, lerla ou pou kapav trouv enn lizour.

Swa Navin enn inbesil pou fer enn tel deklarasyon, swa li pran Morisyen pou inbesil. Gete ou mem !

Tahir Hussen

DIVORS

2009-03-04T15:55:00.001+05:00

Bann defayans dan lalwa

Lalwa lor divors li parmi bann defayans dan bann lalwa dan Moris.

Ek enn parmi bann defo pli fristran dan divors, si enn mari ek so fam anvi divorse zis parski zot nepli anvi viv ansam, lazistis pa permet zot fer li.

Enn ladan bizin aksepte amenn rol sanse li ena tor ek enn de bann tor ki ena plis pwa pou resi gayn divors, li adilter.

Aster si zom-la desid pou pran enn fot ki li pann komet lor so latet, fam-la kapav, ninport kan, demann so ex-mari enn pansion.

Alor zom-la pou prefer ki so fam ki al dan lakour ek aksepte ki swa linn komet adilter ouswa enn lot "deli" ki pa lor so konsyans an realite. Li bizin experyans enn akt degradan, imilye li an piblik, zis pou liber li depi enn relasyon ki pe detrir so lavi zour-an-zour.

Enn de bann rezon kifer enn mari ek enn fam anvi divorse, se kan lamour fini. Kan pena lamour, lavi perdi so mazik ek tou koumans vinn enn routinn. Kan enn relasyon ant mari ek fam vinn enn routinn, lavi vinn amer.

Ek pou termine, divors ena enn pri ki pa tou dimounn kapav peye. Ena koupl bizin fer sakrifis tou-le-mwa, koumadir met larzan dan bwat-kondane, pou kapav ofer zot sa "lix" la.

Plis ki 1 400 banane avan, islam ti introdwir divors mityel ek li gratis. Nou ena boukou retar pou ratrape.

Tahir Hussen Pirbhay

25.02.2009

pibliye lor lemauricien le 4 mars 2009

Kifer Komemor Levennman Karbala ?

2009-01-01T13:54:00.000+05:00

Komemorasyon martir Imam Hussain kouma sak lane, obzerve par bann mizilman ki swiv Ahlul Bayt (Profet Muhammad so desandan a-traver so tifi Fatima). Ek komemorasyon la finn fer pandan plizir syek me pourtan ena boukou mizilman azordi refiz krwar ladan. Zot panse ki sa ogmant divizyon dan Islam. Sa argiman-la li mal-fonde parski :

- Imam Hussain ek so lennmi Yazid ti dan de lemond byen opoze. Pena okenn lekol-de-panse islamik ki ena dout lor kalifikasyon ek inosans Imam Hussain. Tou bann mizilman kone ki Imam Hussain li ti-zanfan profet Muhammad, ek osi ki dan paradi li pou enn parmi bann lider. Lot kote, tou mizilman rezet Yazid ek kondamne li, ek pou kontinye fer sa, pou so bann krim ki linn komet lor bann Ahlul Bayt. Avek enn diferans parey, bizin pena okenn konfizyon parmi bann mizilman lor komemorasyon sa gran Imam-la. Si tou mizilman kondamne Yazid alor li absird ki zot bizin ankoler kan zot tann laverite lor seki ti arive dan karbala sinon zot pou kre enn dout ki zot bann admirater Yazid. Pa vre?

- Imam Hussain ek bann lezot manb Ahlul Bayt zame finn resevwar dan zot vivan respe ek admirasyon ki zot ti merite tandi ki bann lezot konpanyon profet ti resevwar boukou plis ki zot ti merite. Bann manb Ahlul Bayt ti oprese ek zot drwa pou viv ek gagn trankilite dan zot lavi tou letan finn deranze par bann dirizan a-lepok. Bann mizilman alor bizin koriz sa erer istorik-la par dekouver bann merit bann dimounn distinge ek donn zot sa respe ek dinite ki zot merite-la.

- Pou gard bann non bann sa bann dimounn-la vivan li dan lintere bann mizilman. Profet Muhammad kan ti pe retourn depi enn pelrinaz, ek ti dan Ghadir Khum ti dir :

"Mo pre pou gagn lapel (depi kreater pou kit sa lemond-la) ek reponn (so lapel). Mo pe kit de zafer de valer (enn ladan pli gran ki lot la) : Liv Allah (Koran) ek bann manb so lakaz (Ahlul Bayt). Fer atansyon kouma zot tret sa de-la apre mwa, parski zot pa pou separe ziska ki zot zwenn mwa dan zour zizman (Qayamat)!"

Referans :
* Mustadrak of al Hakim, vol 3 p 109
* Sahih of Tirmizi, vol 2 p 307
* Musnad of Ahmed Hanbal, vol 3 p 14, 217
* Khasais of al Nasai, p 30
* Sahih of Muslim, vol 4 p 1286 hadith 5920
* ... ek plizir lezot

Alor onor zot memwar ek inform bann dimounn lor zot, li an akor avek sa konsey ki profet Muhammad finn done-la, ek rezilta, bann mizilman pou trouv vre sime.

Listwar sa gran martir la li lekol bann bann serser laverite. Tou mizilman kapav aprann enn ta depi sa sakrefis siprem ek kouraz Imam Hussain ti montre. Bann mizilman pe ankor viv dan bann kondisyon similer, me nou pena personn kouma Imam Hussain. Erezman, sa komemorasyon-la provizyonn lemond mizilman bann etidian ekselan dan Islam.

Nou ena zis pou fer enn ti konparezon avek seki pe pase zordi dan mwayenn oryan pou trouve kisann-la finn konpran sa leson karbala-la byen.

Get trayizon Lezipt anver Hamas - Lezipt finn donn Hamas fos linformasyon lor Israel ki Israel pa pou atake kan zot kone Israel pou atake, Lezipt refiz ouver so frontyer pou so bann frer mizilman ki pe soufer dan Gaza ek ed Israel pou mintenir blokis Gaza, get lemond arab kouma pe krwaz lebra ek viv zot lavi normal dan la-rises kan zot frer palestinyen pe masakre par leta-ebre, ek konpar tou-sa-la avek bann manifestasyon ek presyon ki Iran ek bann lezot lider Shia pe fer lor bann pei oksidantal pou konpran ki sann-la pe sarye pavyon Islam zordi-zour.

Zet enn ley lor presstv.com ek iran-daily.com ek trouv laverite ki bann media oksidantal pa les zot trouve.

Tahir Hussen Pirbhay
tahir.pirbhay@gmail.com

Bann Etranze Dan Zot Prop Pei

2008-12-30T16:04:00.003+05:00

Plis ki 8 600 zelev finn fel dan CPE lor 26 694. Parmi bann rezilta dernye lane dan bann lekol primer o-nivo internasyonal, nou rezilta li byen mediok ek li enn laont pou nou pei.

Olye nou fer bann propozisyon kouma bann ti-zetwal pou motiv zelev ek bann zistwar kouler-kouler pou ogmant bann zelev zot konpreansyon (pe fer referans avek lartik Mamzel Mottee lindi 22 desam 2008 lor forum Le Mauricien), nou bizin al dan profonder sa problem-la pou konpran byen kifer bann zelev pe fel.

A nou get so rasinn.

Ena enn lexanp byen interesan pou explik sa problem-la. Ena enn koupl ki ti kit Moris byen lontan pou al travay dan Lafrans ek zot finn retourn Moris avek enn ti-zanfan. Laba dan Lafrans ti garson-la ti pe tir sink A, me letan li vinn Moris, sa fer anviron de'z'an, so rezilta dan bez. Li pas mari byen dan franse (so langaz maternel), me dan bann lezot size, ena li pase lor limit, ena gro gro F. Li pe mem koumans krwar li enn gopya ek lane prosenn li pou konpoz CPE.

Si ou get piti-la, li paret koumadir li pe pas dan siklonn karol. Sifone par presyon parantal, ek fristrasyon dan lekol.

Ki so problem piti-la ? Li pa enn zero. Li ti enn top dan Lafrans. Enn Star Student kouma bann Morisyen ena labitid zaze. So problem, se langaz. So paran finn met li dan lekol piblik kot, pou premye fwa, li pe bizin aprann Anngle, ek li pe bizin aprann tou bann lezot size dan sa nouvo langaz-la. Si ti inskrir li dan bann lekol kot montre tou bann size an franse, alor piti-la pa ti pou amenn bann rezilta parey. Lor sa pwin la zot tou bizin dakor.

Abe nou bann zelev, ki zot langaz manternel ek ki langaz tou zot size ete ? Kifer kan met mem lexanp devan zot, zot azir koumadir zako dan lamizik ? Eski bizin fer enn desin pou zot konpreansyon ? Pa bann ti zetwal ki pou vinn a zot sekour si nou pran sa bann propozisyon infantil-la an konsiderasyon.

Nou sistem ledikasyon fer bann zanfan Morisyen vinn bann etranze dan zot prop pei !

Bann pov piti, zot pe bizin sarye presyon aprann Anngle ek an-mem-tan, aprann tou bann size an Anngle. Ala kifer nou bann zelev lekol primer pe fel. Akoz nou pe persiste dan sa sime-la, bann zelev-la fini koumans met dan zot latet depi tipti (avek konplisite zot paran) ki zot bann latet-feb, bann gopya ek bann voryen. Ek sa li pou res blok zot tout long zot lavi.

Les zot grandi dan zot langaz, sa pou donn zot konfyans dan zot-mem ek motivasyon pou aprann plis. Apre Form 3, letan zot fini akerir sifizaman bann konesans dan bann langaz etranze, ki li Anngle, ki li Franse, lerla zot kapav aprann zot bann size dan ninport sa bann langaz-la. Swa zot al pou enn letid siperyer an Anngle, ouswa an Franse.

Esperon ki olye zot persiste lor zot bann konplex ek tir bann fos pretex kouma " sa pou kreoliz nou Anngle " ek bann lezot konnri ki nou finn deza lir (alor pa lapenn repete), zot esey konpran seki mo finn ekrir avek enn lespri ouver.

Enn Patriot Kreol Morisyen

Tahir Hussen Pirbhay

pibliye lor lemauricien Mardi 30 Desam 2008

La-Noze

2008-12-05T11:13:00.000+05:00

5 desam 2008

sa fer lontan
ki monn perji lazwa viv
tro lontan
pu jir ki mo trist

ankor kapav respire
pe sirviv
lamor anretar
plen atann li

kuma enn fey
pe anvole
enkonsyan
li les li anporte

lanatir ek kwensidans
nepli ena sekre
jime resanble zorji
ki resanble lapase

enn telefonn
kinn perji laparol
enn bwat-let serkey
kot repoz enn kamaleon

© Tahir Hussen Pirbhay
www.pirbhay.com
tahir.pirbhay@gmail.com

Lexame SC HSC

2008-11-26T12:07:00.000+05:00

Fer li isi-mem

Li byen revoltan seki finn pase lor internet pu lexame HSC (pu bann dimunn ki ti krwar ki Cambridge enn top). Me pu bann dimunn pu ki sa zafer-la pa enn nuvo zistwar, zot truv sa enn degu ki nu ankor pe fye lor Cambridge.

Avan bann etidian ki ti ena kapasite ti pe servi bann mwayen kuma telefonn ek fax pu kominik avek bann etidian etranze. Me aster avek internet, li kut byen bon-marse ek tu dimunn fasil gagn akse.

Parmi bann opsyon ki pe propoze pu « repar » sa erer-la, refer lexame. Li normal, si ena pu refer, lexame-la pu bizen san okenn fre parski li lerer Cambridge. Me refer lexame li pa enn bon solisyon parski sa pu ena enn lefe byen negatif lor performans bann zelev, mem si refer zis bann size kot finn ena fwit. Sa pu kre enn veritab fristrasyon ek stres kot enn zelev ki ti pu reponn enn kestyon byen, li kapav fer erer.

Kan enn zelev fini fer so lexame HSC, li sorti avek enn surir. Li nepli anvi pans lexame-la. Li sulaze. Aster si nu ena pu fer enn rewind ek replay, alor imazinn sa kosmar dan ki nu bann zelev pu pase !

Solisyon ki pu kre mwens dega, trak bann fwit ek anil sa bann kestyon-la. Me la-osi, ena enn lot problem. Ki garanti ena ki sa bann fwit-la pa finn pas zis lor facebook? Ek si ena bann zelev finn esanz bann kestyon-repons par imel, li inposib pu trake! Sa fer nu panse ki li posib ki bann lane presedan, bann etidyan finn kapav esanz bann kestyon-repons par imel ek lezot forom.

Nu bizen met enn term lor tu bann depandans ki nu ena, kot nu kapav fer li. Li pa normal ki apre 40an lindepandans, nu pe bizen fye lor enn liniversite dan Angleter ki kumadir enn paswar, pu prepar nu lexame SC ek HSC. Liniversite Moris par exanp, kapav prepar sa de lexame-la. Akademikman Morisyen byen kale. Inn ler pu aret res dan angle zot lake !

Fer li isi-mem, bann papye lexame-la pu kut buku fwa pli bon-marse konpare avek Cambridge, li pu abordab pu tu dimunn ek nu sir ki pa pu ena bann problem-parey. Si liniversite Moris prepar sa de lexame-la, sertifika SC ek HSC pu bizin rekonet antye lemond. Eski pa bann Lecturer Morisyen ki prepar papye-lexame dan UoM? Si sa nivo-la so papye nu kapav prepar li isi-mem, kifer pa SC ek HSC !

An pasan bann profeser morisyen mem ki prepar nu mock exams dezyem-term (ki buku fwa pli difisil ki Cambridge).

Ninport ki solisyon zot rode pu sa-lane-la, bizin fer sir ki dan lavenir enn tel zafer pa repete. Li pa enn « tricherie » me enn fwit informasyon, enn iresponsabilite liniversite Cambridge.

Tahir Hussen Pirbhay
www.pirbhay.com

tahir.pirbhay@gmail.com
pibliye lor lemauricien lindi le 24 novam 2008

Li panse ki... linn aret panse !

2008-11-26T12:03:00.000+05:00

Enn remark lor enn lartik ki ti paret lor lemauricien le 12 novam 2008 par Misye Paramananda.

Misye Paramananda ti fer enn expoze lor obzervasyon lespri.

Ekrivin-la dir ki "I have personally stopped thinking, yet I'm still alive ! In other words, I am myself a living example of the complete cessation of all mental activities."

Enn dimounn ekrir enn lartik ek an-mem-tan dir ki linn aret tou bann aktivite mantal. Si li ti aret tou so bann aktivite mantal, li pa ti pou ekrir enn lartik, me li ti pou koumadir enn stati, pa pe fer nanye, dan enn profon koma! Eski nou pe lir enn dimounn-san-rezonnman ? Ofet li pe exprim so bann panse. So bann prop panse, so bann move panse...

Li panse ki li enn dimounn kinn aret panse. - Kitfwa li panse ki laplipar dimounn ki pe lir so lartik, zot pa konn panse ek zot pou manz sa boul-la.

Li panse ki li enn lexanp vivan enn dimounn kinn aret panse. - Eski bann lekter pa pe santi enn loder fyerte ?

Li panse ki kan aret panse nou lespri gagn lape. - Ah! Beni bann inyoran, zot pou gagn repo !

A-nou get enn kout ki bizin fer avek so expozisyon lor lespri, par so prop mo, dan mem lartik :

"...let me explain more about our thoughts. They are of two kinds. First, we have those which come from outside, from what we hear, see, feel, read and then process according to our level of intelligence. Secondly we have those which come from our soul or the deepest core of our being. Thoughts of the first type are chaotic, impure, disorderly and a real mess ; they create all sorts of impressions, excite our senses and render our brain dull. The second type of thoughts, called intuition, is clear and orderly and comes as a revelation or as light in the darkness of night."

Dapre so explikasyon, li pou kaotik, inpir, ek enn veritab dezord si nou pran seki li ekrir an konsiderasyon parski, kan nou pe lir, nou pe panse, nou lespri pe kalkile, rezone, ek enn zafer ki pe vinn depi lexteryer ki pe provok sa, pa vre ?

Bizin pa pans nanye lor so bann panse lor panse... Atansyon li al kre tout-sort inpresyon, eksit nou bann sans ek nwarsir nou servo. Mo pe servi so prop mo.

Pou enn ekrivin ekrir ki lir li enn zafer ki nwasir servo, mo les bann lekter tir zot prop konklizyon lor so personalite.

Esperon ki Misye Paramananda so prosin lartik pou vinn depi enn bon itilizasyon so lespri, re-demar so bann aktivite mantal, gres zot byen, afin ki li koumans fonksyonn byen, kot li pa pou kontradiktwar avek li mem.

Tahir Hussen Pirbhay
www.pirbhay.com

tahir.pirbhay@gmail.com

Politik

2008-11-16T12:19:00.000+05:00

Lespri kominalis ek partouz

Nou konsider nou-mem kouma enn-de-bann pei pli sivilize ek edike dan kontinan Lafrik.

Si sa bann kalifikatif-la li depann lor progre ekonomik ek sosyal konpare avek bann lezot pei afriken, li vre.

Me si nou get sa lor enn pwindevi politik, pa finn ena bel evolisyon dan sistem elektoral ek dan fason ki dimounn vote. Li vinn enn zistwar kominalis ek koumadir bann fanatik lekip foutborl : " Mwa mo Liverpool, mwa mo Manchester, mwa mo MMM, mwa mo Ptr eksetera " ; pir ankor : " Mo pa vot soz mwa, mo pa vann mo kominote… mo pa vann mo relizyon… "

Ena bann parti politik dan Moris ki ankor nom zot parti dapre zot kominote, pourtan finn abolir sa pratik kominalis-la dan foutborl lokal. Esperon ki zot pa pou atann beze leve pou met enn term lor sa bann move pratik-la.

Lot zafer. Seki kapav rasanble plis kas ena plis sans pou fer pli "zoli" eleksyon. Par milyon zot gaspiye pou lwe bis, pou transport dimounn dan bann miting, lor bandrol, poster ek, san-oubliye, donn portab, dvd, tempo ek lezot zafer kado pou kouyonn bann swadizan "intelizan". Sirtou akonpanye avek enn nouvo lide pou drog lepep, kouma dernyeman, "bis-gratis" - enn gaspiyaz initil ki lepep pe regrete.

Bann Morisyen koumadir zot konn zis trwa mouvman politik. Bann lezot parti, seki fer alyans avek sa trwa gran parti-la pa inportan pou zot. Seki inportan, li sa trwa gran parti-la. Gran, pa par zot intelizans, me par zot non. Enn grander ki avegle bann Morisyen pou pa trouv lezot parti politik mem si plizyer sa bann parti-la ena bann dimounn byen kale. Personn pa interese pou al get miting parti X, Y, Z - parski zot pa pou gagn transpor gratis pou pran zot divan zot laport ek retourn zot, ek sirtou, laba pena briyani gratis ! Ala Morisyen so lintelizans !

Mo terminn sa ti mesaz-la par rapel zot ki dan nou pei swadizan intelizan, bann politisyen finn laplipar-ditan fornike ant zot. Enn kout ou trouv MMM avek MSM, lot kout li avek Ptr, ek bann lezot parti-osi rantre-sorti avek sakenn. Ek sa eksit lepep ! Dan zot miting zot bann lider ek kandida kriye koumadir bann soular lor koltar san dir nanye intelizan, zis pran nisa avek bann lezot adverser, ek kan zot gagn eleksyon, zot defile koumadir bann barbar dan pei…

Mo admir Pravind pou so desizyon ki li pou al tousel dan eleksyon, mem si nou kone, ek nou kone ki li byen kone, ki sa pou mari difisil. Omwin li enn dimounn ki ena bann prinsip ek vre lide dan so mouvman. Me lavenir pou dir si li pou gard so parol ek li pa pou re-al fornike ankor. Esperon ki sa nouvo politisyen-la pou kre enn revolisyon dan lespri bann Morisyen. Esperon ki li pou montre sa bolom ki finn fek koumans fer politik, ki li ti an-tor pou tret li "tro zenn".

Me kitfwa boug-la tro vye pou konpran.

Eski 2010 pou ankor enn viktwar bann fornikater ?

Enn partouz politik ?

Jean Pirbar

pibliye lor lemauricien zedi 13 novam 2008

POZISYON PLANET

2008-10-29T16:40:00.000+05:00

Zot pre pou rant dan siro ?

Nou pre pou rant dan 2009 me ena Morisyen, zot ankor touzour ena enn mari krwayans lor bann fenomenn ki fer bann gran rakontaz lor seki pou arive dime (meteo-imin).

Enn koup ena pou marye, lexame pe koste, enn move malad, fam pa pe ansint, fer fos kous, gagn enn douler, enn migrenn, pfff ! Ninport enn rezon ase bon pou galoupe ek al rod konsey lor seki pou arive landime ek dispoze pou depans par milye pou rod bann gerizon mazik (kont bann malsans ek lespri malefik).

Parmi bann pli gran klian, ena bann biznesmann ek politisyen. Lanvi pou dekouver landime fer bann pli malin vinn bann pli bet.

Dan enn lartik lor enn zournal le 22 oktob 2008, nou lir ki enn misye ek so fam anvi vinn ed bann Morisyen pou aprann "astrolozi otantik" nivo iniversite. Zot anvi propaz sa pratik-la partou dan lemond ek zot finn swazir Moris kouma zot premye etap.

Mari bien swazir ! Zot pou fer enn taba isi. Ena enn bel lavenir dan Moris. Plin kas pe atann zot parski ena boukou ki pe atann enn nouvo figir fer so laparisyon pou depans zot larzan pou ekout bann zistwar lor pozisyon planet ek bann lezot komeraz.

Anplis, sa bann-la, zot gradye ladan ! Zot sertifye pou met dan siro.

Zot pre pou rant dan siro ?

Tahir Hussen Pirbhay

pibliye lor lemauricien Merkreji 29 Oktob 2008

Lagazet dan langaz kreol Morisyen

2008-10-24T18:31:00.000+04:00

ENN NESESITE PU LEDIKASYON !

Lanvi pu lir enn lagazet dan langaz kreol Morisyen finn tuletan ant mwa. Mo rapel kan mo ti dan kolez, ti tann dir ena enn me zame ti gagn lokazyon lir li.

Le 21 Oktob 2008, kamarad Alain Ah Vee ki mo ti al zwenn dan batiman Ledikasyon Pu Travayer (GRNW), finn ofer mwa enn kopi "DORAD" (nimero 11, merkredi 28 ut 1996) apre ki mo ti pe dir li ki ti pu bon si ena enn lagazet dan langaz kreol.

Dek mo rant lakaz mo uver DORAD ek kumans lir. Mo finn lir li dan enn sel tre, sitan mo finn apresye ! Premye lagazet an kreol ki mo finn lir, douz-an apre so inpresyon. Malerezman zot finn aret tir lagazet la ziska nimero 44. Enn tel lagazet ti deza existe, extraordiner ! Ena mem enn mo-krwaze an kreol ! Mo remersye zot pu don mwa omwin enn fwa dan mo lavi lir enn lagazet an kreol.

Ek sirtu grafi LPT li byen pros avek grafi ki mo finn kre pu BANN FLER SOVAZ, li zoli pu lir, ek li donn langaz kreol enn dinite, enn orizinalite ki grafi larmoni pa kapav done.

Ti pu bon si enn zur sa repran. Ki DORAD reviv depi so lasann kuma enn fenix. Ena plis amure langaz kreol zordi-zur, seki-vedir, ena plis lespwar pu ki nu langaz maternel trionfe.

Enn lagazet an kreol li enn nesesite, parski li byen fasil pu lir ek konpran seki pe lir san okenn difikilte. Ek mo sir ena buku dimunn pu partisip dan sa lagazet-la volonterman (mo-mem par exanp) - anvway zot bann lartik, let, ek poezi pu ki zot pibliye.

Pran lexanp bann lagazet ki nu deza ena. Parmi bann ki pli byen vande, laplipar an franse, sof enn ki an angle. Mazorite Morisyen finn al lekol ek zot kapav lir angle ek franse. ME PA ZOT TU KI KAPAV KONPRAN !

Ena dimunn suvan bizin lir enn lartik de-fwa pu asire ki zot finn byen konpran, ena fwa plis. Ek ena fwa bann dimunn lir li ziska zot plin, me zot pa ariv konpran li byen. Ek arive de-fwa ki de dimunn lir mem lartik, sakenn sir ki zot finn konpran li, me zot konpran li diferaman.

Tandi ki enn lagazet an kreol, lekter-la konpran seki li pe lir direk. So servo pena pu tradir seki li pe lir, ek an mem-tan desinn seki li pe tradir pu ki afin li truv enn zimaz. Aster pa kone si so servo enn bon desinater uswa non.

Ti pu bon, si bann lagazet ki pli popiler, pu enn kumansman, ofer omwin enn paz an kreol ek pa neseser fer li tu-le-zur, me omwin enn fwa par semenn ek gete kuma piblik reazir. Lor sa paz-la, kapav fer enn ti rezime lor politik dan enn semenn ki finn pase ek osi enn-de nuvel lor sosyete.

"Le Mauricien", sel lagazet ki pena okenn konplex pu pibliye let ek lartik an kreol depi zot bann lekter - ek mo remersye zot sinserman pu sa - ti kapav fer premye pa ek donn lexanp. Ena zis pu tradir enn-de lartik, pa neseserman dan so totalite, me fer enn rezime.

Erezman "Le Mauricien" pa kuma sa lagazet, enn parmi ki sorti sak samdi, ki ti anvway mwa ek enn kamarad imel pu dir ki zot lagazet ek mem zot lagazet so sitweb, refiz pibliye bann let ek lartik an kreol parski parmi zot lekter ena bann etranze. Mo demann mwa komye etranze lir zot lagazet. Ek si zot lir, preske zot tu zot bann morisyen ki finn etabli deor. Ek sa bann dimunn-la zot aswafe pu lir ek koz kreol. Anfin, pu enn ti ponye dimunn a-letranze, zot refiz pibliye enn langaz ki plis ki 80% morisyen koz li tulezur.

Nu sipoze ekrir pu nu lepep, pa pu bann etranze.

Esperon ki byento nu truv enn lagazet dan langaz morisyen pu bann morisyen.

Enn lagazet an kreol morisyen kapav servi kuma materyel skoler kan dan enn pros-avenir kan bann zelev pu kumans aprann sa langaz-la dan lekol. Bann zelev a-traver sa materyel-la pu kapav aprann lir ek ekrir kreol an-mem-tan ki zot pu aprann bann nuvel lor zot pei dan tu so dimansyon. Enn lepep ki lir li enn lepep intelizan.

Salitasyon,

ENN PATRIOT LANGAZ KREOL MORISYEN

Tahir Hussen Pirbhay
www.pirbhay.com
tahir.pirbhay@gmail.com

Kabir Hussen, l'espoir de la poésie d'expression créole

2008-10-03T15:27:00.001+04:00

Le Matinal News Service
Port-Louis
Kabir Hussen, l'espoir de la poésie d'expression créole
La poésie d'expression créole compte une nouvelle plume, en la personne de Kabir Hussen. Ce jeune poète a publié un recueil intitulé "Fler sovaz". Des fleurs qui sont prêtes à bourgeonner, mais qui sont écrites dans une graphie propre à l'auteur. "Je n'écris pas dans la Grafi Larmoni, car je ne veux pas écrire le créole en français. Il suffit de mettre un accent aigu sur les "e" pour que la graphie Larmoni devienne du français."
Celui qui se présente comme un penseur, un philosophe, un vagabond et un dramaturge opère pourtant dans un monde qui n'a rien à voir avec la poésie. Il est dans le domaine informatique. Mais l'écriture reste sa vraie passion, et à son actif deux pièces de théâtre : "Destin", qu'il avait mise en scène, avec le concours d'élèves de Form I à III du collège St. Helena, et une autre qui ne porte pas encore de titre. Kabir a aussi reçu le prix du "Best Play Writer" au festival d'art dramatique en créole, organisé par le ministère de la Culture.
Kabir, pseudonyme de Tahir Hussen Pirbhay, dit écrire en créole "parce que c'est dans cette langue que je me sens le plus à l'aise. Je ne pourrai traduire mes émotions en français ou en anglais. Ce serait me trahir. Je perdrai de mon originalité poétique."
D'originalité, Kabir n'en manque pas. Il le démontre dans ses "Fler sovaz" d'une tonalité nouvelle qui ne laisse guère indifférent :
"Get mwa dan mo lizyeKan lespwar ek dezespwarFinn lave par jivenTopu truv laveriteKi pu bril to lizyeEnn aveg san baton"
Dans les chemins sans nom où il habite, où on peut y trouver d'autres marginaux, Kabir tisse son réseau poétique, "tu labus beni ar poezi". Comme Baudelaire, il clame que "J'ai essayé plus d'une fois, comme tous mes amis de m'enfermer dans un système pour y prêcher à mon aise. Mais un système est une espèce de damnation. Je suis revenu chercher un asile dans l'impeccable naïveté. C'est là que ma
conscience philosophique a trouvé le repos." Et comme James Douglas Morrison, il ajoute : "If my poetry aims to achieve anything, it's to deliver people from the limited ways in which they see and feel."
Il emmène son lecteur sur les chemins d'épine, jonchés de "Fler sovaz", mais c'est un "nuvo liniver" qu'il invite à découvrir. Ne se cachant pas derrière des sourires hypocrites et des mots vains, il distille une poésie d'expression créole qui veut nous faire "gut parade dan enn kup jiven". Lui sait détourner les textes sacrés pour en faire une nouvelle poétique, où les fruits de l'arbre de la connaissance du bien et du mal lui donnent la force nécessaire pour ne pas se sentir étranger dans ce monde.
D'un romantisme mélancolique, la poésie de Kabir Hussen se veut une autobiographie cryptée, symbolisant l'imaginaire et la réalité du poète. Comme Malcolm de Chazal, il donne aussi à lire des aphorismes : "Buku fam anvi mo lame. Lapares fer mo fierte." Ces mots résument parfaitement le ton du recueil : "Pena personn ki kapav ena plis pasyon dan lamur ek plis kriyote dan laenn ki enn zanfan." Ceux intéressés à commander "Fler sovaz", disponible à Rs 100, peuvent appeler l'auteur sur le 7122014.

Ena enn move'zer dan ler...

2008-09-26T15:02:00.000+04:00

Aret krwar ki zanimo ena relizyon !

Ala enn lexanp kouma bann lespri Morisyen fonksyone.

3 zenes finn masakre enn seval kouma bann barbar ek premye zafer ki mazorite morisyen anvi kone, li zot non. Pa pou kone ki sann'la, me pou kone ki zot relizyon.

"Zot pe dir" trwa laskar zot travay sa. Laskar pou bann morisyen sinonim mizilman. Malbar = indou. Kreol = kretien. Ek sinwa = budis. Drol fason definir bann mo !

Pa akoz ou apel Muhammad ki ou enn mizilman, ouswa Zezi ou enn kretien ouswa Krishna ou enn indou. Enn kretyen dan enn pei arab, li pou ena enn non arab. Buku mizilman dan indonezi ena bann non non-arab.

Enn non an arab, bann kamarad, pa vedir enn mizilman. Ou enn mizilman dapre, pa zis ou bann aksyon, me ou bann panse osi. Ek mo krwar tou relizyon fonksyonn koumsa.

Pena okenn relizyon ki dir agres ou prosin, fer linzistis ek viv kouma egoist. Sa moman kot enn dimounn ena enn panse sadik, zis enn panse, pou tret enn imin ouswa enn zanimo dan enn tel'fason, li nepli "relizye".

"Bondye komann twa fer lazistis, fer bon anver lezot ek done kouma enn fami donn enn fami." (Coran Chap 16 Verse 90)

Bizin osi pa ekzazere ek dan eksitasyon dir ki bann kriminel pena relizyon. Li pou enn insilt anver nou bann kamarad ate, agnostik ek de'ist.

Si zot byen bizin apel bann'la par enn relizyon, pou satisfer zot labitid degoutan, alor apel li satanik ek pran zot bondye pou satan. Vinn inpe plis kreatif !

A'vredir, bann'la finn degrade a'tel'pwin, ki zot finn retourn kouma bann zanimo ki nepli konn fer diferans ant seki bon ek seki move. Zot tou sinple'man bann zanimo... danzere, ki nou bizin separ zot depi nou sosyete.

Bann mantalite inn ler pou zot koumans sanze. Aret krwar ki zanimo ena relizyon ! Nou pre pou met lipye dan 2009 matlo !

Tahir Hussen Pirbhay
www.pirbhay.com
tahir.pirbhay@gmail.com
26 Septam 2008

La'sante

2008-09-26T15:01:00.000+04:00

Komers Manze

Nou pe viv dan enn pei kot bizin dir pena okenn kontrol lor bann marsan, sirtou kote alimantasyon.

Nou ledwa kitfwa tro tiginn pou konte komye fwa nou finn anpwazone avek bann manze lor sime. Sa fer mwa rapel enn move souvenir dan Lenn...

Souvan zot pran lexanp ki Moris li enn Lenn an minyatir, me krwar mwa, li pa enn flatri me enn insilt. Nou pa Lenn, ek nou bizin pa imit Lenn !

Apre bann problem avek bann prodwi sinwa lor marse, ek enn marsan ki servi tintir dan kalamindas, san ki nou bliye kantite dal'puri ek roti ki anpwazonn santenn dimounn tou'le'zour, inn'ler pou vinn pli sever lor, pa zis bann marsan anbilan, me tou seki apel komers manze.

Bizin met plis inspekter lor sime, fer bann test, pa donn tou dimounn permi bonaveni san asire ki zot ena enn bon ledikasyon lor izyenn.

Bizin aret konpar nou avek bann komeraz. Pran bann bon lexanp depi kot kapav ek tir maximam leson ki posib lor nou bann erer, ek seki pou lezot.

Viz lesyel pou o'mwin nou resi aterir lor some pli ot'montay.

Tahir Hussen Pirbhay
www.pirbhay.com
tahir.pirbhay@gmail.com

Televizyon

2008-09-22T16:24:00.000+04:00

Bann abone merit enn meyer servis

Bann dimounn ki ena TNT pena okenn mwayen pou konn programasyon bann senn dizital sof atraver internet lor sitweb MBC, me la osi pa finn met programasyon pou tou bann senn.

Nou remote control finn vinn koumadir enn konsol video game. Pe bizin res pez bouton pou sanz senn a sak fwa pou fer sir ki nou pa pe rat enn bon program lor lezot senn.

Ena fwa par flouk nou resi tom lor enn match andifere Premier League lor MBC Sports Channel, ousoi enn dokimanter byen interesan lor l'Ind lor MBC4 (Astha/DD Bharati), ousoi enn deba lor bann aktialite politik internasyonal lor MBC8 (France 24).

Enn lot problem ki ankor pli grav, tou dimounn ki ena lantenn pe bizin pey Rs 100, mem si zot pena dekoder TNT. Li enn linzistis parski zot tou pe pey parey, me pa zot tou ki pe kapav get parey.

Bann abone merit enn meyer servis sirtou ki li peyan. Pou premye problem, MBC bizin trouv enn fason pou ki tou dimounn kapav konn davans bann programasyon lor sak senn dizital, par exanp a'traver bann lagazet, bann radio MBC ek osi lor so sitweb.

Ek pou dezyem problem, pou met enn term sa linzistis ant bann seki ena dekoder ek seki pena dekoder, swa : a) bizin ena enn senn analog pou sak senn dizital pou ki tou dimounn ki pe peye kapav get parey, ouswa b) sak dimounn ki pe pey Rs 100 gagn enn dekoder.

Tahir Hussen Pirbhay

pibliye lor lemauricien lindi 22 septam 2008

A nou ekrir listwar

2008-09-22T16:22:00.000+04:00

Kot bann minorite grinp lor puvvwar

Le premye Mars 2008, nu finn temway enn nuvo fenomenn lor plan politik kot Per Gregoire, lider FCM, finn reini plis ki 30 mil dimounn (mem si zot dir zot pa enn grup politik).

Lot kote, lider FSM ti reini enn bon kantite mizilman dan Plaine-Verte. Fodre azout MMM, MSM ek PTR zot bann dimounn ki zot finn gagne dan zot miting pou ki kapav vinn lor mem nivo avek FCM/FSM.

Si FCM deklar li finalman kouma enn group politik avek pou lider Per Gregoire, ek fer enn alyans avek FSM, sa trwa "fami" ki tou'le'tan vire tourne vinn o'pouvwar ek sakenn son'tour kraz bann minorite pou koumans perdi zot valer ek linportans.

Enn lalyans FCM/FSM sirtou avek enn lot parti politik, pou ena kapasite ekrir enn nouvo listwar dan Moris kot enn minorite kapav vinn premye minis ek amenn bann sanzman pozitif : batir fondasyon meritokrasi ki ziska zordi li zis sel'man enn "mo".

An pratik dan Moris, mem dan sekter prive, ena "backing" ek kominalis.

Enn'sel kestion mo ena pou bann seki pans lekontrer, dan Moris ena anviron 50% indou. Komye % indou ena dan sekter piblik ?

Si nou ouver bann ansyen dosye rekritman dan sekter piblik ek nou get enn kou komye "form 4" ek "form 5" inn gagn travay dan sekter piblik, me bann pli bon "form 5" ek "HSC" pa finn selekte akoz zot apartenans relizye, lerla Morisyen pou konpran ki kalite krim kominalis zot fer dan sa pei'la.

Komye dimounn ki ti deza inskrir zot non pou vinn infermye, par exanp, finn trouv zot kamarad lekol ki pa finn mem fer form 5 dan zot iniform pe travay tandi ki zot, zot pe bizin fer bann travay ki zot pa merite ?

Ek zot koz demokrasi... ek zot koz meritokrasi. Bann bel bel parol politisyen. Zot ki byen souvan, zot parol pena enn sou'valer !

Sa bann pratik'la'mem ki finn donn nesans FSM ek FCM ek bann lezot parti minoriter. Esperon ki zot zwenn parski ansam zot pou vinn pli for.

Tahir Hussen Pirbhay
www.pirbhay.com
tahir.pirbhay@gmail.com

Anprizonn zot pou lavi !

2008-09-22T14:11:00.000+04:00

Krim kont enn inosan san defans

lil moris finn boulverse par devwal'man enn video kot nou trouv enn seval finn masakre par bann barbar san pitye, ki finn fer lign'an'tet lor nou bann lagazet weekend dernye.

video'la finn exibite lor youtube.com kot tou bann internot a'traver lemond vizite.

sa explik de'zafer :

1) bann barbar'la santi zot fyer seki zot finn fer ek

2) akoz zot, bann etranze ki boukou pa mem kone ki lil moris exis, pou fer enn fos imaz lor nou ti'zil ki dan moris ena bann dernye sovaz ki reste.

premye kestion ki enn etranze pou poz li, si lor enn inosan san defans zot kapav fer enn akt parey, alor lor enn imin...

eski li pa parey koumadir zot pe pran enn ti baba, zour li gro gro betiz, koup so likou ek bril li ? tou'le'de zot inosan ek san defans !

tou dimounn ki ena limanite dan zot, kan zot get sa video'la, zot kapav vomi zot trip, demoralize, tromatize ek zot larm kapav koule.

ou pa bizin enn proprieter zanimo pou afekte par sa krim la. prefer ou pa enn proprieter zanimo si ou pa kapav elve li ek tret li avek dinite. si zot zanfan vinn enn fardo pou zot, eski sa tret'man'la zot pou donn li ?

seki nou, morisyen, pe per dan tou'sa, nou trouv sa bann lame'sal'la sorti lor kosyon ek zot "case" res ranvwaye ziska ki li teign kouma plizir lezot ka ouswa, zot gagn zis enn lamann banal.

si dan moris ti ena lapenn'de'mor, mo sir ek sertin, si nou fer enn sondaz apre enn tel'krim, lamazorite morisyen ti pou vot pou donn lamor sa bann kriminel'la.

malerez'man li pa le ka dan moris. seki nou, bann morisyen, bann imin avek leker ek konsyans demande, ANPRIZONN zot pou lavi.

zis sa opsyon'la pou kapav rann zistis anver enn inosan san defans, ek repar nou pei ek nou lepep so limaz lor plan internasyonal.

nou an dey tan ki lazistis pa fer zistis !

Tahir Hussen Pirbhay
www.pirbhay.com
tahir.pirbhay@gmail.com

Beebeejaun - Zako dan Lamizik

2008-09-19T17:04:00.002+04:00

Parti travayis ki ti gagn mazorite vot bann mizilman (ki ti byen sokan) finn desevwar so bann elekter apre lexersis remaniman ministeryel. Bann mizilman inn dekouyone. Zot ena santiman ki ankor enn fwa finn pran zot pou bann inbesil.

Zot finn les zot anporte par enn orater ki konn sedwir lafoul, ki metriz lar koz manti ek met dan siro.

Kitfwa zis samem ki Ramgoolam piti ena plis ki Ramgoolam papa…

Rashid Beebeejaun pe esey fer lanasyon morisyen krwar ki pena okenn malez mizilman apre sa remaniman ministeryel-la. Sa montre, ankor enn fwa, kouma li absan lor terin ek kouma li byen lwin depi lemond mizilman (ki finn met zot konfyans dan li).

Li mem ki, kan ena eleksyon, pou galoup partou partou dan tou sime dan Plaine-Verte ek Port-Louis, ek devan lantouraz lekol kot bann elekter pou al vote, li pou tir so ledan… Esperon dan prosenn eleksyon bann mizilman pa pou les zot anporte par reyonnman so bann ledan ek par so non.

Lot kote, Reza Issack pe fer so travay port-parol mizilman ase byen. Li pe pas mesaz fristrasyon bann mizilman ki enn gran realite. So apartenans dan Parti travayis pa met enn la tres kolant lor so labous ousoi fer li vinn enn manter ouswa enn lèche-botte.

Avek Ramgoolam, pei-la pe retrogade. Nou pe retourn an aryer ek pe repet le pase, kot gouvernman mem organiz li dan enn fason kominalis. Dimounn per pou koze ek denonse alor ki Navin pe flate ki li ki finn amenn demokrasi dan pei. Bann dimounn viv avek freyer pou demann zot drwa kan sa gouvernman-la o pouvwar. Enn sansasyon koumadir nou pe viv dan enn pei avek enn diktater.

Nou pe atann 2010 avek enn labouzi rouz,

pou fer travayis trouv rouz…

Nepli kapav met nou konfyans dan rouz,

sinon nou pa pou aret trouv rouz !

Mizilman organiz twa byen ek vot avek lintelizans. Twa ki souvan fer tou seki posib, mem pran loan pou anvway to piti deor parski sa pei-la zame finn konsider twa kouma enn Morisyen ! Inn ler pou tir labou, lamar ek bann lezot malpropte, ek vot bann nouvo politisyen ki ena kalib.

Arete avek sa 3 non ki toultan vinn o pouvwar-la.

Tahir Hussen Pirbhay

pibliye lor lemauricien zedi 19 septam 2008

Lapli Toransyel 17 Septam

2008-09-18T14:24:00.006+04:00

Bon desizyon ousoi bon leson

Lonorab Vasant Bunwaree, nouvo minis ledikasyon, finn azir byen vit lor kondisyon klimatik boner gramatin 17 septam ek anonse ki pena lekol akoz lapli toransyel.

Eski li akoz kouma laplipar dimounn pe dir, li enn veteran ki byen experyanse ?

Ou byen sinple'man akoz nou finn gagn enn premye lexanp move-desizyon mars dernye lor lapli toransyel parski ti ena bann kriter ki ti bizin respekte pou pran enn tel desizyon ?

Si Lonorab minis Gokhool ti touzour minis ledikasyon, sertenn'man samem desizyon li ti pou pran. Seki kitfwa, nou ti bizin, ti enn premye experyans. Lerla ki nou finn kone ki bann defayans ena dan sa sistem'la.

Kifer zis zelev ?

1) Zanfan pa al lekol, byen bon. Lontan nou ti ena bann gran fami avek plizir paran res anba enn sel twa. Me aster laplipar bann nouvo koupl ki pe debout zot viv tousel dan enn lakaz. Ki sann'la pou asir bann zanfan zot sekirite dan lakaz, anpes zot al lor sime, al kot bann pon, canal ousoi larivyer kouma enn abitan Mon-Gou ti pe dir lor enn radio prive le 16 septam ?

2) An Mars dernye, ti ena enn zelev ki ti trouv lamor. Me ti ena plizir adilt. Personn pa a'labri bann danze lapli toransyel.

Si parey kouma siklonn, nou met bann klas lor lapli toransyel pou determine kan bann travayer kapav al travay ek kan zot pena pou ale, pou res touzour enn gran problem lor ki'sann'la pou vey bann zanfan zot sekirite. Pa zot tou an mwayin pou pey enn dimounn vinn vey zot zanfan lakaz.

Sel solisyon pli fasil ki kapav dedwir, swa mari'la swa fam'la zet enn "sick" pou res ar piti lakaz... Ziska ki bann otorite ariv trouv enn solisyon pou sa nouvo problem'la.

Tahir Hussen Pirbhay
www.pirbhay.com
tahir.pirbhay@gmail.com

pibliye lor lemauricien zedi le 25 septam 2008

Pou Minis Ledikasyon

2008-09-18T14:24:00.005+04:00

Introdwir Klas "Fraternite"

Bann lekol ek kolez finn vinn bann lizinn kot pe fabrik bann robo ki program zot lavi zis lor enn sel vizyon : fer plin kas.

Konpare avek avan, bann morisyen zordi zour boukou fwa pli byen edike, me si sikse akademik vedir enn sosyete pli sivilize avek bann lespri ranpli ar sazes, kouma nou explik plis vyolans, koripsyon, vol, perversyon, divors, swisid, problem mantal ek insekirite dan nou ti'zil ?

Avan, kan pa ti ena loportinite pou fer plis kas ek kot laplipar dimounn ti pe viv byen modest, dan enn lakaz ti ena plizir paran ti pe res ansam. Ek laplipar'di'tan, zis bann zom ti pe al travay. Alor bann zanfan ti pe byen ankadre par lafami ki ena letan pou montre zot bon manyer, moral, relizyon, ek ki sa vedir viv kouma enn bon imin lor later.

Aster ki ena plin loportinite pou anrisi zot, zom ek fam viv tousel dan enn lakaz avek zot zanfan ek tou'le'de bizin travay pou ki zot kapav pey zot lakaz so lwaye ousoi lorn, ek donn zot zanfan tou bann dernye teknolozi ki zot bizin kouma par exanp, ordinater, portab kamera, video game, mp4, parabol, internet 24/24...

Paran, zot panse ki kan zot donn zot zanfan sa bann zafer'la, li pou ranplas zot labsans dan enn fason pozitif kot zot bann zanfan pou vinn pli intelizan ek devlope dan sosyete. Ek osi, pou zistifye zot'mem anver zot'mem ki zordi'zour pa kapav viv kouma avan parski lavi tro dir, alor donn tou seki zanfan la oule pou ranplas zot labsans. Ena enn lot kategori paran ki akoz zot vwazin ek zot fami pe donn zot zanfan tou bann dernye teknolozi, zot osi bizin fer parey. Sinon zot zanfan pou res ar'yere.

Ena zis enn mwayin pou ranplas sa mank'man dan ledikasyon moral ek spirityel dan bann zanfan, li a'traver nou sistem ledikasyon. Nou sistem ledikasyon bizin mars avek letan. Li bizin evolye pou ki tou'le'tan li kapav reponn avek seki sosyete bizin. Si dan tou lekol ek tou kolez, zot introdwir enn klas omwin 30 minit par zour, kot zot montre bann zanfan depi zot pli tipti laz ziska bann nouvo adilt, kouma viv dan lape, lazistis ek lamour lor later, sa pou kre bann imin ek non pa bann robo.

Dan sa klas la, bann edikater pa pou rakont bann zistwar depi diver relizyon, me rakont bann zistwar ki al direk lor bann valer ek moral san linflyans okenn relizyon. Enn klas kot tou zanfan zwenn, ki li indou, mizilman, katolik, protestan, budist, tamil, ek bann lezot relizyon, pou aprann viv ansam. La, bann zanfan pou aprann fraternite.

Premye enn dimounn bizin vinn enn bon imin, bizin inzekte limanite dan li, fer enn vaksin pou asir zot lasante moral tan'ki zot lor later, lerla li pou vinn enn bon indou, mizilman, katolik, protestan, eksetera. Sinon zot pou kontinye vinn bann pli pir fanatik, rasis, kominalis, ek degrade ziska ki zot pou vinn kouma bann lezot zanimo, ki pa konn fer diferans ant seki bon ek pa bon.

Enn klas kot devlop zot kreativite, fer zot desine, ekrir bann zistwar, mont bann sketch, sant bann sante lor fraternite, lamour, ek limanite. Nou sistem ledikasyon li dekouraz lar parski li "business-minded". Li kre konpetisyon ant bann zanfan pou gagn plis sikse akademik. Mem apre lekol bann paran anvway zot zanfan pran enn ouswa plizir leson par zour, seki detrir bann zanfan zot lanfans, zot imazinasyon ek kreativite.

Enn klas ki sak mwa omwin enn fwa organiz enn randone sak samdi, pou amenn zot lor terin, lor sime kot zot kapav ed bann dimounn demini ek protez lanvironn'man. Montre zot la'realite. Fer zot abitye avek fer la'sarite, ed zot prosin ki li enn imin, ki li enn zanimo. La'sarite pa vedir zis donn larzan me enn sourir anver enn zanfan pov, ed enn dimounn travers sime, zwenn bann gran dimounn ki finn retrete, ki pe viv enn lavi solitid ek demoralize dan bann sant spesyalize, zwenn bann orfelin, zwe ar zot, koz ar zot... zot ki mank lafeksyon ek lantansyon.

Enn klas kot zot pou aprann kouma ek ki bizin konsome pou gard zot an bonn la'sante. Kouma bizin dir non lor bann intoxikan. Kouma ek kan bizin koze, avek zot paran, avek zot profeser, avek bann etranze, avek zot kamarad eksetera. Ek kan ariv konze lekol, lekol kontinye ouver ek invit bann zelev vinn prodwir zot, vinn exprim zot kreativite, donn enn form zot bann imazinasyon, invit bann gran piblik vinn get zot fer bann "show" pou fer bann kolekt larzan afin ki zot kapav fer bann travay sosyal kouma organiz bann dezene pou bann pov ek orfelin.

Enn klas ki mo imazine, kot tou bann zelev pou galoupe pou pa anretar, lame dan lame, avek enn sourir. Apel li FRATERNITE, pou enn meyer landime.

Si bann profeser pe revolte kouma bann rebel ou byen kouma bann zelev ki refiz fer zot "classwork" dan sa 30/40 minit anplis par zour'la ek pe demann minister fer bann zelev osi reste, kifer dan sa letan anplis'la zot pa organiz enn tel'klas ?

Trant minit par zour kapav sanz enn nasyon.

Tahir Hussen Pirbhay
www.pirbhay.com
tahir.pirbhay@gmail.com

Foutborl

2008-09-18T14:24:00.004+04:00

Nou pe bat lamok

Samdi avan, Club M finn sibir enn defet imilyan 4-1 dan nou pei kont enn lekip preske mem nivo ki li, Tanzani.

Lekip tanzanyen finn fer Club M paret kouma dir enn bann bater lamok.

Pourtan Club M pa mank bann bon eleman. Seki dan bez, li pa nouvo, pa bizin mikroskop pou trouve, li Club M so taktisyen.

Kan pe zwe lor nou terin avek lobzektif ranport match, sirtou pou pa terminn dernye dan group, sa pa vedir bizin zwe foul atak koumadir bann zanfan lor sime pe bat lamok, zwe enn match iltra ouver depi premye minit, ziska ki defans lamem ouver byen mem !

Sak sans ki Tanzani finn gagne paret koumadir finn servi zot lor plato ek finn byen "ouver" Ashok… so taktik.

Ena de opsyon : swa avoy Ashok al bat lamok, swa Club M.

Tahir Hussen Pirbhay

pibliye lor lemauricien merkredi le 17 Septam

Drwa'd'lom

2008-09-18T14:24:00.002+04:00

Ankor enn fwa bannla fane dan Pakistan…

Ankor enn evennman deplorab depi enn pei kot mazorite popilasyon mizilman…

Pakistan li nimero enn dan lemond lor bann krim kont bann kominote minoriter. Souvan lor bann media nou tann bann atak kont kominote Shia me laverite li boukou pli pir.

Dapre enn kominike Abid Khan ki responsab lapres bann mizilman Ahmadiyya, nou finn konn enn trist nouvel ki finn fek arive dan Pakistan.

Dr Abdul Mannan Siddiqi finn asasine kan li ti pe travay dan lopital Fazl-e-Umar, Sindh. " Li enn grav trazedi ", Abid Khan dir. " Li ti enn vre serviter limanite ek finn viv so lavi dapre dikton Ahmadiyya "Lamour pou zot tou, La'enn pou personn". So lamor ti sinpleman akoz li ti enn mam [ki kontan lape] dan kominote Ahmadiyya. "

Sa fer kinzyem dokter Ahmadi depi 1981 ki finn touye par bann extremist dan Pakistan zis akoz zot apartenans relizye. Bann extremist pres ek pratik la'enn kont la kominote Ahmadiyya, konparab avek bann extremist ki dan Indonezi, enn lot pei kot mazorite popilasyon mizilman.

Depi depar Parwez Musharaf bann extremist pe komet plis krim dan sa pei barbar-la. Demokrasi li danzere dan enn pei ki ena boukou terorist degize an mizilman ek zot lider degize an pret mizilman. Listwar inn montre ki zot mem kapav abiy an fam !

Apart fer zot pei vinn pli aryere ek penaliz lepep pakistane an zeneral, pena okenn lezot rezilta pou sa atak-la. Pena nanye ki pou kapav aret enn kominote sirtou kouma bann Ahmadiyya pratik zot lafwa ek progrese spirityelman.

Regilyerman Dr Abdul Mannan Siddiqi ti pe ofer bann konsiltasyon ek tretman gratis pou bann demini ek linn pas so lavi ed dimounn. Pakistan finn perdi enn gran serviter.

Pakistan… enn pei kot ena bann dimounn ki fer la'ont bann mizilman.

Tahir Hussen Pirbhay
www.pirbhay.com

pibliye lor lemauricien lindi 15 Septam 2008

Montayar

2008-09-18T14:24:00.001+04:00

lao laba ant bann kolinn ek montay
enn ti vilaz santenn lakaz
fil otur enn sime serpante
trankil zot truv Porlwi anba zot lipye

premye zenerasyon montayar travay later
fer pus kann, legim ek zanana
dezyem zenerasyon : kamyoner
trwazyem, dan pulaye enformatik

lao laba nanye pa arive sof seki repete
bann biz biz ek bann zistwar fami
zom al travay, fam okip lakaz ek piti
ek bann mamzel ansene, regar efronte

bann montayar zot travay dir
mont blok lor blok pu gagn valer
seki ris gagn fam kler ek seki mizer
al res dan lavil kot belmer

paran ris zot tifi gagn demann fasil
paran mizer koumadir finn gagn lotri
lao laba zot lavi sinp... primitif
travay manze bwar maryaz ek fer piti

zenn'zan amater futborl ek konsol
sms ti'kopinn ki zwenn kan al lekol
boliwud, televizyon, akro parabol
seve a'la'manyer, imitasyon bann akter

mamzel prizonye pu loner lafami
zot regar fer gratsyel lintelizans degringole
zot dife mari for, koste ar zot, u brile
sakuy zot, pa kone komye zom tonbe

mama dan lakwizinn pe kwi manze
mamzel bizin res zoli ek finn
aprann makiye, abiye ek sedwir
bann zelev devue, zot profeser tele

lao laba tu zenn'zan seki pase
finn pas dan grif bann prizonyer
lao laba tu etranze ki vwayaze
dir zot finn fer enn nuvel dekuvert

lao laba ant bann kolinn ek montay
bann montayar zot fer parti lanatir
avek zot tifi kuma bann fri sovaz
atiran, exotik...

les dan lespri enn memwar
dan leker enn pasyon
ek dan labus enn gu
amer

© Tahir Hussen Pirbhay
(Kabir Hussen)
www.pirbhay.com
tahir.pirbhay@gmail.com
Zedi 28 Ut 2008

KREOL / ENGLISH

2008-09-18T14:24:00.000+04:00

Enn karikatir imaziner

Loter enn lartik ki ti pibliye lor Le Mauricien le 21 out 2008 - so tit : Beauty lies in the bla bla bla… - fer mwa pans bann isterik ki servi bann gro gro mo, fer bann gran lamantasyon ou plito enn ekzazerasyon kouma dan bann fim "indien".

Inpilsif, li sit enn fraz san pran an konsiderasyon so kontex parski li anvi ziz sa boug kinn deranz li (mwa) kouma "rasis".

Pou donn lexanp pou montre ki koz angle frekaman pa vedir enn bon aksan ek siperyorite laksan kreol morisyen, mo ti pran lexanp bann Indyen depi l'Inde ek dir ki kan zot koz angle, zot sonn vilin. Li enn realite ek pena la'ont ladan. Parey kouma si nou konpar laksan franse Canadien ek franse Franse… Enn kamarad ti rakont mwa kouma sa ti koz li ek so bann kamarad etidyan problem kan zot ti iniversite. Zot profeser ti enn Indyen ek kan li ti pe explike, personn dan klas pa ti pe konpran. Sitan bann zelev ti pe aret li ek demann li re'explike, pov boug ti pe krwar ki bann zelev ti pe pran plezir avek li, ek li ti tret bann Morisyen "sovaz". Alor ki sannla rasis ? Si, par exanp, enn Indyen depi l'Inde ena pou pronons "tank" ek "thank" dan mem fraz, li pou pronons toulede "tank". Aster imazine li pe servi bann terminolozi informatik !

Dapre loter, si ou pa kontan manz enn manze ki li konpare avek si ou pa apresye enn aksan, alor ou enn "narrow-minded". Si manze-la li enn kwizinn etranzer, alor ou rasis. Ou bizin kouma enn lantonwar pou paret "broad-minded". Seki vedir, pou bizin vinn enn "aval-tou" … Pena kestyon donn priorite ou gou. Lintelizans dapre li vedir enn imin ki pena gou.

Touzour dapre loter, kan li tann de zom (mo pe rod dir "imin") pe koz ninport ki langaz me avek mem aksan, li trouv sa " boring… dull… ". Koumadir avan ki bann Pakistane ek Indyen debark dan Angleter pou rinte, kouma bann travayer Sinwa ek Bangladesi dan Moris, ti mari (enn "punch" word sa ?) " boring… dull… " pou ekout de Angle koze (parski zot ena mem laksan).

Ek kouma dan laplipar fim "indien", akoz li tro long, li fini par komet bann erer. Avan li ekrir sa, li dir " beauty of a language… depends on the flow of words, sweetness " eksetera… Kouma Jean Cocteau ekrir dan Les Parents Terribles : " Se contredire, Georges. Quel luxe ! C'est mon luxe. C'est mon désordre à moi. Laisse-le moi. " Dakor, dakor ! Mo les ou avek ou bann kontradiksyon ek dezord.

Esperon mo pann alim PW avek Prévert so zalimet !

Tahir Hussen Pirbhay

pibliye lor lemauricien merkredi 27 ut 2008 (versyon modifye)

Portre PW : Inpilsif

2008-08-22T10:26:00.000+04:00

Enn karikatir imaziner

Loter enn lartik ki ti pibliye lor Le Mauricien le 21 Out 2008, so tit "Beauty lies in the bla bla bla..." fer mwa pans bann isterik ki servi bann gro gro mo, fer bann gran lamantasyon ou plito enn ekzazerasyon kouma dan bann fim "indien" zis pou vomi enn indizes'syon akoz enn problem dizestif mantal. Kitfwa linn toufe parski linn manz tro vit.

Inpilsif, li sit enn fraz san pran an konsiderasyon so kontex parski li anvi ziz sa boug kinn deranz li (mwa) kouma "rasis". Kouma pou kalifye so lartik : Tantasyon enn mank matyer griz ouswa lexpresyon enn fam fristre. Loter ti sign "PW" me mo imazine ki li feminin par la'fason ki li ekrir. Oh mo riske, la'prosenn fwa, sibir enn lot kriz isterik ki pou esey lans mwa enn koud'pwin olinpik : "sexis" !

Pou donn lexanp ki, koz angle frekaman pa vedir enn bon aksan ek siperyorite laksan kreol Morisyen, mo ti pran lexanp bann Indien depi L'ind ek dir ki kan zot koz angle, zot sonn vilin. Li enn realite ek pena la'ont ladan. Parey kouma si nou konpar laksan franse Canadien ek franse Franse... Enn kamarad ti rakont mwa kouma sa ti koz li ek so bann kamarad etidian problem kan zot ti iniversite. Zot profeser ti enn indien (depi l'ind) ek kan li ti pe explike, personn dan klas pa ti pe konpran. Sitan bann zelev ti pe aret li ek demann li re'explike, pov boug ti pe krwar ki bann zelev ti pe pran plezir avek li, ek li ti tret bann Morisyen "sovaz". Alor ki sann'la rasis ? Si par exanp enn indien depi l'ind ena pou pronons tank ek thank dan mem fraz, li pou pronons tou'le'de tank. Aster imazine li pe servi bann terminolozi informatik !

Dapre loter, si ou pa kontan manz enn manze ki li konpare avek si ou pa apresye enn aksan, alor ou enn "narrow-minded". Si manze'la li enn kwizinn etranzer, alor ou rasis. Ou bizin kouma enn lanto-nwar pou paret "broad-minded". Seki vedir, pou bizin vinn enn "aval-tou"... Pena kestion donn priorite ou gou. Lintelizans dapre li vedir, enn imin ki pena gou.

Touzour dapre loter, kan li tann de zom (mo pe rod dir "imin") pe koz ninport enn langaz me avek mem aksan, li trouv sa "boring... dull...". Koumadir avan ki bann Pakistane ek Indien debark dan Angleter pou rinte, kouma bann travayer sinwa ek banglades dan Moris, ti mari (enn "punch" word sa?) "boring... dull..." pou ekout de angle koze (parski zot ena mem laksan).

Ek kouma dan laplipar fim "indien", akoz li tro long pou dir pa gran zafer, li fini par komet bann erer, bann inbesilite. Avan li ekrir sa, li dir "beauty of a language... depends on the flow of words, sweetness eksetera...". Kouma Jean Cocteau ekrir dan Les Parents Terribles, "Se contredire, Georges. Quel luxe ! C'est mon luxe. C'est mon désordre à moi. Laisse-le-moi." Dakor PW, Dakor ! Mo les ou avek ou bann kontradiksyon ek dezord.

Enn dernye tous ki mo imazinasyon vagabon inn fer lor desin ki li finn desine lor PW, li pli aze ki mwa. Si li vre alor, pa pran li mal. Rekonfort ou avek parol Jean Anouilh : "J'adore que la jeunesse m'insulte. Cela me rassure sur mon sens politique." - Eski asterla, mo riske ki apart rasis ek sexis, zot pou fer bann long diskour pou fer mwa paret kouma enn efronte ki mank respe bann dimounn aze, ousoi kitfwa bann lezot "is" ki zot pou al fabrike ?

Esperon mo pann alim PW avek Prévert so zalimet !

Tahir Hussen Pirbhay

www.pirbhay.com

tahir.pirbhay@gmail.com

La'Risi Latet Ot, Lamerik mord lapusyer !

2008-08-19T14:08:00.000+04:00

La'Risi finn virtyelman kraz "Lamerik" dan Sid Ossetia ek non'pa larme Zorzi. Bann komandan amerikin finn antrenn larme Zorzi pandan katran pu enn atak kont lepep Ris.

Bann exper Stratfor finn dir ki larme La'Risi finn pruv lemond ki zot kapav fer enn larme ki finn antrene par lamerik mord lapusyer.

Enn rapor Stratfor finn mansyone ki deryer operasyon Sid Ossetia ena trwa zafer :

1) La'Risi finn pruve ki li kapav diriz enn operasyon avek sikse. Seki buku pei lwest ti pe dute.
2) La'Risi finn montre ki zot kapav gagn la'viktwar kont enn larme antrene par lamerik.
3) La'Risi finn montre Lamerik ek NATO ki zot pa kapav met zot nene dan tu bann sityasyon - militerman parlan.

Ek osi, li enn menas pu bann pei ki lamerik pe rod servi kuma zuzu, kuma Repiblik Tchek ek Polongn, ki for posib pu les lamerik instal so bann sistem defans.

Bann media lwest pe desinn La'Risi kuma enn monst, parski li finn anvayir enn pei indepandan. Zot filme bann vye dimunn ek ti'zanfan, lakaz ek batiman bonbarde. Me eski Lamerik pa ti anvayir Irak, Afganistan, Vietnam, Kanboj, Salvador etc, ki ti bann pei indepandan ? Eski pa ti ena bann viktim sivil laba ?!

La'Risi ti bizin pa ralanti so bann atak kont la'Zorzi mem si Zorzi vinn azenu devan so latak. Ti bizin rant dan pei'la a'fon, ek eliminn Saakashvili, Prezidan Zorzi, pu montre lemond rezilta ki arive kan u vinn enn zuzu lamerik pu ranpli u pos.

Esperon ki pa tro tar... !

Tahir Hussen Pirbhay
www.pirbhay.com
tahir.pirbhay@gmail.com

Bann Anpwazoner !

2008-08-15T09:52:00.000+04:00

Lor enn zurnal date le 15 Ut 2008, ena enn ti lartik an fon'grize san okenn dut pu atir latansyon bann lekter, kot zot dir ki sekreter lalyans sosyal ek J.B.David pe kas latet lor labsans Paul Bérenger dimans pase dan "The Morne Fiesta".

Ek osi ki kan misye Bérenger ti premye minis, "He had not even inscribed it (Le Morne) as a National Heritage".

Premyer'man

Si enn dan sa bann esklav maron ki ti zete depi montay lemorn parski li prefer lamor ki esklavaz, bann dimunn a'lepok ti truv so lekor ek fuy enn tom pu li, mo demann mwa si Navin Ramgoolam ti pu al dans robo lor lamizik sega lor so tom !

Le Morne an verite li enn memwar trist, pa enn plas kot al fer fiesta. Enn dimunn ki mantal'man korek zame pu kapav al met lafaya "dan enn simityer" parski swadizan lemond antye finn rekonet so valer... kot bann esklav maron ti prefer swiside ki ansene.

Mo donn misye Bérenger rezon pu pa swiv Mr Macarena & Band.

Dezyem'man

Ki sa finn avans nu ki Le Morne finn inskrir kuma enn Eritaz Lemond ? Sel diferans ki ena avek inskripsyon Le Morne dan Eritaz Lemond, guvernman finn truv enn nuvo mwayen pu depans larzan lepep dan met lafaya ek "sul" lepep. Si lalyans sosyal ti resi tir Moris parmi bann nimero 1 dan bann lalist nwar ki nu pei okipe dan lemond, lerla nu ti pu al fer la fiesta avek Navin, mem si nu pa pu kapav dans osi byen ki li. Me atansyon, pa dan simityer sel'man !

La'fason ki zurnal'la finn pibliye sa lartik'la, ek bann kestyon lalyans sosyal, nu truv ant bann fraz enn insitasyon ver bann lekter ki suvan zot bann gob'tu. Zot pe rod fer krwar ki misye Blanc byen merd ar bann nwar. Enn fason pu gagn bann nwar zot vot dan prosenn eleksyon. Mo pu terminn mo reflexion avek enn kestion ki zurnal la finn poze dan la'fin so lartik:

"Got the message?"

Tahir Hussen Pirbhay
tahir.pirbhay@gmail.com
www.pirbhay.com

Bann Komersan Ledikasyon

2008-08-13T08:01:00.002+04:00

Kuma zot ti kontan
kan zot ti truv zot saler grinpe !
Me kuma zot pe mekontan
kan dan lekol,
zis 40 minit an plis zot ena pu reste !

Profeser, to gra ek ingra !
apel 40 minit anplis
vilger ek insiltan,
dir ki zot pe sof ban
kan zot ena enn lalis travay pu fer

Zot pe kriye "al-dusma dan lekol",
Prezidan UPSEE pe revolte
Paraouty dir si bizen,
zot pu fer la'grev enn zur,
me bann zelev ki pu perdan!

Li resanble enn tet'brile
ki nepli konpran nanye
lamante ki bann zelev bizen reste zot si
kuma'dir bann ti'lespri
ranpli ar zaluzi

Purtan Minister Ledikasyon
kinn fer prev la'sazes
finn explik zot, sa bann ki ena disan pares
ki pe kul dan zot la'venn
ki bizen fer pu pa sof ban

Ek dan zot bann fonksyon
ki zot ena pu fer
dapre Minister,
Pena okenn kontak direk
avek bann zelev

Kitfwa bann profeser
pe anvi al lakaz pli vit kuma bann zelev,
alim tele ek sof sofa
pu get ti komik
ek nana ...

Uswa zot ankoler
parski letan egal larzan
zot finn prive 40 minit leson prive
eski zis rupi ki ena dan zot lizye ?
eski profeser...

... zot bann komersan ledikasyon ?

Tahir Hussen Pirbhay (Kabir Hussen)
tahir.pirbhay@gmail.com
www.pirbhay.com

pibliye lor l'express samdi 16 Ut 2008

Pa neseser repete... Mamzel Mottee

2008-08-13T07:58:00.000+04:00

Nou fer enn ti parkour lor seki nou finn esanze

4 Zilyet dan forum lemauricien ou ti dir ki anseign bann zelev an kreol dan lekol pa bon ek "Pou ki enn zanfan kapav ekrir bon kreol mo panse li bizin ena enn bon nosyon angle ek franse akoz ninport kouma, li pou bizin konn lalfabet…".

16 Zilyet dan mo repons mo ti ekrir ki :

1) "Nou bizin fer lanseignman dan langaz kreol vinn obligatwar omwin ziska Form 3. Sa laz-la, tou bann zelev seki resi al de lavan, mo panse ki zot fini gagn enn bon bagaz pou dezorme resevwar bann lanseignman an angle ouswa an franse."

2) "Alfabet romin pena nanye spesyal avek angle ouswa franse. Eski bann Italyen, Espanyol ouswa bann Portige, pou ki zot aprann ekrir zot langaz respektif, zot bizin al aprann angle ouswa franse? Enn zelev ki pa konn ni angle ni franse, ou anseign li kouma lir ek ekrir langaz kreol avek itilizasyon bann alfabet romin, li konparab avek enn zelev ki premye fwa pe aprann lir ek ekrir angle ouswa franse. Pou tou-le-de ki enn nouvote."

23 Zilyet dan ou repons ou ti ekrir ki :

3) "Mo dakord ki kapav servi kreol dan lekol pu explik zenfan kan zot pas comprend kitchose... Kreol li dans nu kiltir li un deban methodes plis simple pu enseigne zenfan pu ki zot kave assimile pli boku ek vite."

4) "Met autant lemphaz dans utilizazion kreol pas un bon lider ek si un zenfant aprann ecrire kreol avant un bon utilization anglais soi francais zenfant la pu ena un tendance kreolize anglais soi francais... un ti exemple : ze pars a la boutik..."

Argiman ki ou finn suleve li "tansyon nu kreoliz angle/franse". ME OU PA TI REPONN MO DEZYEM PWIN (get nimero 2 la'o).

31 zilyet, swit a'sa let'la, mo ti ekrir :

5) "Sa fer plezir ki ou aksepte ki servi langaz kreol pou explik bann zanfan fer zot konpran pli byen ek kouma ou dir dan ou lartik "Kreol li dans nu kiltir li un deban methodes plis simple pu enseigne zenfan pu ki zot kave assimile pli boku ek vite."

"...asimil pli boukou ek vit." Ala kifer nou bizin li pou ki ena plis progre dan nou sistem ledikasyon !

6) "Bann fraz kouma "the teacher is battering the child" ek "ze par a la boutik" ki ou dir "boku dimoune in bisin lire ou tend ca ban phraze la", mo pa kone kot ou finn tann sa souvan, me dan mo lantouraz, zame mo finn tann zot. Pou plis presizyon, mo definir mo rezyon "Port-Louis : Terre-Rouge", kot ni mwa, ni mazorite bann abitan, pa koz angle ek franse lakaz."

7) "Lanseignman dan langaz kreol ziska form 3 pena nanye a'vwar avek prononsyasyon bann mo angle ek franse... bann Indien koz angle boukou fwa plis ki bann Morisyen me mem sa, zot laksan mediok. Laplipar bann Indien kan koz angle, zot sonn vilin. Zot langaz maternel fer defo dan zot laksan."

Le 11 Out 2008, Dan ou repons ou ekrir ki monn al andeor kad. Eski ou kapav montre mwa kot sa ? Ek ou ti ekrir ki :

8) "... konsernan zelev dan lekol primaire sans aukun doute profeser bizin explik zot en kreol pu eclarci ban points ki zelev pas comprend.A mezir zelev la grandi dans enkadrement primare ,bizin diminuer lenpaz lor kreol."

konpar avek mo lide anseign'man bann size an kreol dan lekol ziska form 3.

9) "... mo tou a fait dakord ki sant dapel ek lindustri tourist pe prospere.Akos dans nu system ledikasyon aktuel nu inn met lanphaz lor anglais ek francais.Li vrai ki etranze perfer moris pu inplant zot sant dapel."

ek toutswit apre ou dir :

10) Mo ti envi met li claire ki li pas zis akoz ki mauricien ena un bon akcent.Ena lezot fackteur kuma [1]Nu deja ena infrastriktiire [2] Nu ena minndev bon marse.

Eski mo finn dir lekontrer ?

Eski ou finn deza tann afrikin nwar frankofonn koz franse ? Pourtan li koz franse tou'le'zour, me so aksan diferan avek enn aksan franse franse. Mem enn franse dan lavil, par exanp parizyen, so aksan diferan avek enn franse ki dan vilaz.

11) Mauricien ena bon akcennt akoz nu bilingue.

Par bileng mo panse ou pe fer referans avek angle ek franse. Komye Morisyen pa konn koz angle ek franse koura'man, me zot koz bann langaz oryantal san okenn difikilte avek enn aksan orizinal, mem si zot pa koz sa bann langaz'la tou'le'zour ? Ena boukou Morisyen ki konn koz Urdu, Hindi, Sinwa, tamil ek arab par exanp, koura'man, me zot zis konn debat dan angle ek franse. Ena pa mem konn koz angle ek franse.

Alor krwar ki angle ek franse pe beni nou laksan li total'man absird.

12) "Mo pu redire pu ki un mauricien kave ecrir kreol li bizin ena bon maitriz anglais ek francais avant."

Olye ou fer enn repetisyon Mamzel Mottee, mo prefer ou prezant mwa ek bann lekter ou bann rezon kifer ou krwar avek sertitid ki bizin konn metriz angle ek franse pou ekrir kreol (lir mo reaksyon dan nimero "2").

13) "Kreol li important,li nu kiltire,li nu eritage.Lavenir nu ti pays li dans un bon notion language etranze ecrit ek parle pu sectur touristik,buizness ek relation international"

a) Le 4 zilyet ou ti ekrir preske mem zafer :

"Kreol nou servi li dans nou lavi toulezour dan Moris ; se nou leritaz me nou zanfan bizin konn servi bon angle, franse, ek lezot lang pou nou kapav debat dan sa lemonn rapid-la."

b) Enn reket, sil'vou'ple, mo alerzi avek repetisyon. Si pena nanye pou dir, li bet pou kontinye ekrir sof si ou prezant bann nouvo argiman, explik an detay ou bann argiman ek reponn bann kestion ki finn poz ou. Enn fwa ou finn ekrir enn zafer, pa la'penn re'ekrir li apre. Repet enn zafer 100 fwa pa pu donn ou rezon.

c) Ou repete ki langaz etranzer inportan... pou sekter touristik. Eski dan mo prosin let mo sipoze ekrir "Ena lezot fackteur kuma [1]Nu deja ena infrastriktiire [2] Nu ena minndev bon marse.". Non, mo pa pou fer li. Pa parski ou finn fini ekrir li, me parski li souzantandi. Ou pe konpran seki mo pe dir ou ?

Tahir Hussen Pirbhay
tahir.pirbhay@gmail.com
www.pirbhay.com

Linite Mizilman uswa Linyon Mizilman ?

2008-08-06T08:06:00.000+04:00

Dernye’man nu finn truv plizir lartik lor bann zurnal ek sit internet kot sak lekol’de’panse islamik dir ki pu ki ena linite mizilmann bann seki finn egare, bann seki pe fer plis ki bizin uswa mwins, bizin truv laverite ek lerla lemond mizilman pu vinn enn sel. Ek sakenn ziz so prosin dapre bann hadis (tradisyon).

Me pa tu mizilman ki dakor lor otantisite bann hadis. Ena hadis ki enn parti mizilman konsider kuma la'verite, tandi ki mem hadis pu lezot, li enn fos'te uswa enn bufonnri. Par exanp, pu lekol de panse Ahle Sunnah, krwar dan otantisite koleksyon bann hadis Bukhari li enn obligasyon parski pu zot, tu bann hadis ki truv la'dan zot « la'verite ». Akoz samem zot apel sa koleksyon la « Sahih ».

Me pu bann Shia, Bukhari li pa otantik san'pur'san. Zot pu sit enn lalis tradisyon depi Bukhari ki paret feb, fos ek mem absird. Ek mem si ena hadis ki bann diferan lekol'de'panse tom dakor, zot interpretasyon pa neseser'man parey. Alor li bet ki sakenn krwar ki fodre so prosin sanze ek krwar kuma li krwar, pu ki tu mizilman mars ansam.

Pu rod lape ek fraternite, bizin aksepte zot prosin kuma zot ete. Kan diskit lor bann diferans, ena plis distans. Pu ki lemond mizilman vinn enn sel, bizin aret diskit lor bann diferans ek met lanfaz lor bann similarite, seki kapav inifye nu.

Nu tu krwar dan mem Qu'ran, dan enn sel Allah, dan so profet, bann anz, lavi apre lamor, lapriyer obligatwar, fer la'sarite, gard karem pandan mwa ramadan eksetera, lalwa maryaz...

O'fet nu bizin aret servi mo “linite”. Bizin servi mo “linyon”. Linite vedir fer de uswa plizir vinn enn. Ek sa li inposib. Parey kuma enn misye ek enn madam dan maryaz, si sakenn rod sanz so prosin, alor zot lavi maryaz pu fini par brize. Me si zot esey konpran zot prosin ek aksepte zot diferans, relasyon’la pu prospere. Zot pa pu vinn 1, me zot 2 dimunn diferan ki mars ansam dan lamur ek respe.

Ayatullah Khomeini ti premye relizye Shia ki ti dir ki li permisib pu enn Shia fer namaz (lapriyer) dan enn moske Sunni (Ahle Sunnah), deryer enn pret mizilman sunni. Ala enn lexanp linyon mizilman.

Linyon vedir de uswa plizir mars ansam, an akorite, lame dan lame. Sutenir so prosin dan bann difikilte, viv dan lape ek partaz lazwa dan bann moman prosperite.

Linite mizilmann li inposib me Linyon mizilmann li byen posib. Zis bizin ena kuraz pu aksepte nu prosin. Eski u ena ase [kuraz] ?

Tahir Hussen Pirbhay
tahir.pirbhay@gmail.com
www.pirbhay.com

Pu Avish - Deba lor Langaz kreol

2008-07-26T07:33:00.000+04:00

Sa let’la li enn repons pu komanter Avish lor enn lartik. Pu lir komanter Avish, klik lor so non Avish

La prosenn fwa ki u ekrir mwa Misye Avish, pran u letan lir, ek reviz seki u ekrir omwen trwa fwa avan u anvway mwa. Lir pa zis avek lizye, me fer u zorey tande !

Dan mem paragraf u ekrir ki “sa boute “the teacher is battering the child” la sa c un ti dialog sa..” ek toutswit apre sa fraz la, u dir “mai bien souvent moi mone tan dimun…pa zenfant hein…zelev universite mo p dir la!”. U kumans u komanter par enn kontrajiksyon !

Apre sa u ekrir ki si sa kontinye dan 10 an call centre pu kit peyi. Eski u kone kuma enn call centre fonksyone? Bann operater geny (gagn) enn formasyon pu resit seki zot ena pu jir (dir) ek kuma zot bizen (bizin) reponn bann kestion. Seki vedir, tu’le’zur zot ena mem zafer pu jir (dir) ek repete. Alor zot metriz sa bann mo la lor but zot ledwa ek pena okenn derapaz lor prononsyasyon bann mo.

U kumans u deba lor form 3 avek enn repetisyon seki monn ekrir “li enposib (inposib) fer klas angle ek franse san ki nu koz/lir angle ek franse”.

Zis apre, u jir donn lexanp klas byolozi. Enn lexanp byen banal kamarad. Klas byolozi kumanse dan form 3. Seki vedir, bann zelev pu fer li an kreol zis 1 lane. Enn entrojiksyon (introdiksyon) pu donn zot enn lide apre ki konbinezon zot pu swazir. Ek dan sa entrojiksyon la, kuma nu tu kone, dan form 3, bann terminolozi dan byolozi byen senp. Pena enn montay pu kase!

Apre form 3, tu klas pu vinn an angle. Pran primer ziska form 3, bann zelev zot nivo ekrir ek lir angle pu ase for pu ki afen (afin) zot kapav geny bann lansenyman (lanseignman) an angle. Avan u fer sa bann komanter’la li ti pu bon si u ti al lir bann deba ant mwa ek Prisheela depi kumansman. Alor avan ki zot al iniversite, zot pu ena 4 lane pu etijye byolozi an angle. U lexanp byen feb.

Mo espere si u fer kit repons (mo la pu resevwar zot), premyeman lir byen seki monn ekrir, dezyem’man pa repete ek trwazyem’man pran bon lexanp ki pu ranforsi u argiman. Mersi pu u komanter.

A’byento

Amitye

Tahir Hussen Pirbhay
www.pirbhay.com

Langaz kreol dan lekol - “asimil pli boukou ek vit”

2008-07-23T13:34:00.001+04:00

Repons pu Mamzel Prisheela Mottee so lartik pibliye dan forum Le Mauricien le 23 Zilyet 2008

Sa fer plezir ki ou aksepte ki servi langaz kreol pou explik bann zanfan fer zot konpran pli byen ek kouma ou dir dan ou lartik "Kreol li dans nu kiltir li un deban methodes plis simple pu enseigne zenfan pu ki zot kave assimile pli boku ek vite."

"...asimil pli boukou ek vit." Ala kifer nou bizin li pou ki ena plis progre dan nou sistem ledikasyon !

Me mo trouv ou lexanp ki ou finn done pou kontradir lanseignman dan langaz kreol ziska form 3 andeor-kad.

Premyerman
bann fraz kouma "the teacher is battering the child" ek "ze par a la boutik" ki ou dir "boku dimoune in bisin lire ou tend ca ban phraze la", mo pa kone kot ou finn tann sa souvan, me dan mo lantouraz, zame mo finn tann zot. Pou plis presizyon, mo definir mo rezyon "Port-Louis : Terre-Rouge", kot ni mwa, ni mazorite bann abitan, pa koz angle ek franse lakaz. Kitfwa ou pe fer referans avek zelev lekol primer ki pe dekouver de nouvo langaz. Si mazorite bann adilt ti pe koz koumsa, alor ki bann sant’dapel pe fer dan Moris, ek kouma lindistri tourist pe prospere ? Seki vedir, mem si ena li, li byen minim ek san okenn linportans.
Ek dezyem'man
lanseignman dan langaz kreol ziska form 3 pena nanye a'vwar avek prononsyasyon bann mo angle ek franse. Anseign bann zelev dan langaz kreol ziska form 3 pa vedir aret lir angle ek franse. Si ou finn reazir lor sa lide'la, alor ou finn mal'konpran. Si pa lir angle ek franse dan klas angle ek franse, alor pena klas! Me apre ki lir bann konpreansyon ek explik bann pwin dan konpozisyon, bizin pa atann zelev’la lev so lame pou explik li an kreol. Souvan bann zelev lekol primer santi zot mal'a'lez pou ki zot lev zot lame dan enn klas 40 zelev ek avoue ki zot pa finn konpran, per ki profeser'la imilye zot ek intimide par langaz etranzer. Zot prefer gagn zot explikasyon dan leson prive (si zot ena mwayen).

Li parey kouma enn dokter, servis ki ou gagne dan lopital avek li ek dan so konsiltasyon prive, li enn lemond diferans. Enn pratik ki zot tou kone, « pa mwa ki finn invant sa ».

Si bann etranze prefer Moris pou inplant zot bann sant'dapel li parski nou ena enn bon aksan mem si nou pa koz zot langaz tou'le'zour. Kontrerman avek L’Ind, kot preske tou klas fer an angle ek bann Indien koz angle boukou fwa plis ki bann Morisyen me mem sa, zot laksan mediok. Laplipar bann Indien kan koz angle, zot sonn vilin. Zot langaz maternel fer defo dan zot laksan.

Enn ti lexanp, "The" = "Dee". Angle finn kit L’Ind, me L’ind obsede avek Angle...

Kreol li zoli parski li batar. Akoz li batar, li flexib. Ek parski li flexib, li ena enn souples dan pronosyasyon seki fer nou zwir enn bon aksan pou koz NINPORT ki langaz etranzer KAN BIZIN ek KOUMA BIZIN.

Tahir Hussen Pirbhay
www.pirbhay.com
tahir.pirbhay@gmail.com

pibliye lor lemauricien zedi le 31 zilyet 2008

Sponsor MT-Orange dan bann zwe CJSOI

2008-07-15T07:53:00.000+04:00

Mersi MT-Orange !

Mersi pu ofer Rs 1 milyon rupi pu sutenir lekip Moris dan bann zwe CJSOI.

Kuma Misye Sarat Lallah dir (CEO MT-Orange) : "...Nous sommes convaincus que le sport aide à developper des valeurs et à combattre les fléaux sociaux.", li enn lexanp a'swiv pu bann sekter prive ki zot osi zot ena enn devwar dan kreasyon enn meyer sosyete pu nu ti lil.

Dan enn lartik lor zurnal semenn dernye, Lonorab Sylvio Tang dir ki so minister pu investi ziska Rs 6 milyon dan sa zwe'la. Enn zefor ki mo salye !

Tutfwa, li ti pu ankurazan pu bann sponsor, sportif ek lepep an zeneral si Lonorab Sylvio Tang so minister pibliye dan bann zurnal kuma zot finn depans bann larzan ki MT-Orange finn done ek osi sa Rs 6 milyon ki so minister pu investi.

Tu sa zefor’la pe fer, alor li normal ki Lonorab Sylvio Tang ekziz maximam meday. Me bizin note ki, pa zis enn sudenn preparasyon « de luxe » pu CJSOI ki kapav fer enn mirak. Nu bizin ekip nu bann sportif avek bann ekipman profesyonel pu bann latrennman long term. Lerla ki nu pu truv meyer rezilta.

Ansam nu swet Lekip Morisyen plin sikse.

Mersi ankor MT-Orange !

Tahir Hussen Pirbhay
tahir.pirbhay@gmail.com
www.pirbhay.com

Futborl : Problem Insekirite bann Arbit

2008-07-14T11:27:00.002+04:00

Merkredi dernye dan enn match dezyem divizyon rezyonal Port-Louis ant lekip Sharks ek St James dan stad Kaya dan Ros-Bwa, finn ena enn agresyon verbal lor linesman depi enn zwer St James. Kan linesman ti pe al denons zwer'la larbit santral, li finn gagn enn klak par enn lot zwer St James. Apre sa finn ena lezot insilt ek spektater finn desann lor terin.

Inkapab pu met lord lor terin tusel, larbit finn kit match. Ti res zis set minit pu match fini ek skor ti 2-2.

Bann mezir ki MFA bizin pran pu sa match la :

1) Pena okenn exkiz pu agres larbit ki li verbalman ki li fizikman. MFA bizin pini zot sinon larbit pa pu ena okenn valer devan lizye bann zwer. Expilse zwer ki ti agres larbit verbalman pu enn bon kantite match ek rey sa zwer ki ti agres larbit fizikman'la so non pu tule'tan. Li pa merit zwe dan bann match ofisyel ankor. Si kapav fer li pey enn lamann !

2) Penaliz St James pu agresyon so bann zwer. Sa pu aprann zot konport zot kuma bann zwer futborl ek non pa bann vakabon lor sime. Mem si match la ti pe al 2-2 ek ti res 7 minit pu match termine, bizin fer zot perdi match la par enn forfe 5-0. Si posib, retir inpe zot bann pwin dan klasman !

Bann lezot mezir ki MFA bizin pran :

1) Met bann sekirite lor terin pu tu bann match ninport ki divizyon

2) Met bann obstak pu anpes bann spektater rant lor terin.
3) Fer lalwa vinn pli sever kont bann spektater ki resi rant lor terin ek agresyon larbit.

4) Ekip bann stad avek bann kamera pu ki si ena problem, bann otorite konserne kapav retras bann futer dezord.

5) Prezans Lafors polisyer byen inportan avan match kumanse, pandan match ek kan match termine. Bizin veye ki okenn agresyon pa komet kont bann larbit, bann zwer ek bann spektater kan match fini.

Pu ki bann match pas dan enn lanbyans korek, pu ki bann morisyen pa per pu al get bann match futborl mem si zot gratis, pu ki ena enn latmosfer familyal dan stad, bizin ena lord ek lalwa. Esperon ki ena bann sanzman pozitif dan nu futborl lokal byento.

Tahir Hussen Pirbhay
tahir.pirbhay@gmail.com
www.pirbhay.com

pibliye lor lemauricien le 24 zilyet ek impact news le 25 zilyet 2008

Abolir Sibsid pu bann relizyon

2008-07-11T08:03:00.000+04:00

Pei rann servis relizyon uswa relizyon rann servis Pei ?

Si avan, nu ti bizin sibsid pu ki bann organizasyon relizye fonksyone, eski nu tuzur bizin zot azordi ? Dernyeman ti ena sef relizye ti pe demann ogmantasyon sibsid me eski zot merite ?

Nu pran enn lexanp pli modest ki kapav. Enn moske ki ena 100 manb ek sak manb kontribye zis Rs 150 par mwa, lafin dimwa sa fer Rs 15,000. Si enn mowlana (pret mizilman) gagn anviron Rs 8,000 par mwa, san kont bann lavantaz ki li zwir kuma bann fidel ofer li transpor, lozman, manze ek plin lezot servis gratis, res Rs 7,000. Eski sa pa sifi pu pey bann faktir ?

Rs 150 vedir enn biye sinema uswa 2 pake sigaret. Par zur li fer Rs 5 ek avek Rs 5 u pa mem gagn enn roti zordi zur. Rs 150 li enn banalite. Aster panse komye fidel ena kapasite ofer buku plis kontribisyon sosyete ki zot apartenir. Pena okenn relizyon ki dir ki leta bizin donn zot kas pu opere me tu relizyon met lanfaz lor la'sarite ek sakrefis finansyer.

Eski pei rann servis relizyon uswa relizyon rann servis pei ?

Dapre mo konesans, ena enn sel muvman relizye ki refiz pran sibsid parski dapre zot, zot ki rann pei servis, pa pei ki rann zot servis. Ek sa grup'la zot bann mizilman Ahmadiyya ek pa Rs 150 ki zot ofer volonterman par mwa, me omwin 6.25 % zot lapey. Sekivedir Rs 500 lor enn lapey Rs 8,000.

Pli u lafwa gran, pli u lame larz, pa vre ? Komye dimunn ena bann lantenn satelit lot zot lakaz, avek/uswa koneksyon internet “Haut débit” ek zot pa pleigne pu peye. Me kan ariv pu met kas dan moske, mandir, shivala ek legliz, lame'la pa rant dan pos.

A nu vinn reponsab. Aret tap laport guvernman pu bann zafer ki nu mem kapav fer. A nu vinn enn sitwayen exanpler.

Tahir Hussen Pirbhay
tahir.pirbhay@gmail.com
www.pirbhay.com

Lapolis La'ont

2008-07-10T15:25:00.000+04:00

Lor enn emisyon kot bann dimunn telefone pu rakont zot problem ek esey
gagn led an retur lor enn radio prive, laplipar dimunn telefone pu
rakonte kuma zot finn vinn enn viktim lafors polisyer.

Britalite, agresyon verbal ek fizik, refiz pran bann depozisyon fam
bati, bann vokabiler limite zis ar bann zure, ena kinn mem vyol enn
tifi andikape, lapolis omofob, refiz reazir lor bann apel an detres
tir pretex ki pena transpor... Bref, nunn truv tu kalite kuler !

Si bann radio prive ansam zot fer enn lalis lor bann problem kont
lapolis depi zis zot bann oditer depi zanvye 2008 ek pibliye sa lor
bann zurnal, mo krwar lepep antye pu tromatize ek realize ki kalite
peyi barbar nu pe viv ! Seki pe gagn kas pu met lord dan peyi, li mem
pe fu plis dezord.

Nu demann nu, si pa ti ena sa bann radio prive'la, ki kanitite viktim
lafors polisyer pa ti pu gagn lokazyon exprim zot ek demann zistis.

Sular, taper (kont bann inpwisan), kapon (kan bizin azir), vyoler,
indesan, anfin, nu lapolis malad ! Bann mantal ! Bizin pas enn bon
balye dan lafors polisyer, resikle tan ki kapav, sinon anvway zot
manze.

Akoz sa mem ki, kan nu tann bann bon polisye kinn fer enn ti bon
aksyon, nu truv zot kuma bann ero, sitan zot rar. Sa fer byen lontan
depi mo ti flat enn...

Apre tu, esey konsol nu. Nu peyi afrikin non?

Tahir Hussen Pirbhay
tahir.pirbhay@gmail.com
www.pirbhay.com

Lorizinn bann fenomenn "Voice of..."

2008-07-08T08:00:00.000+04:00

Lorizinn bann fenomenn "Voice of..."

Si zordi dan Moris nu pe truv kreasyon bann muvman kuma VoH, VoC ek tu resaman, VoZ, eski sa reprezant enn monte kominalis uswa ena lezot rezon deryer sa?

Depi Moris so lindepandans ziska aster la, tu'letan finn ena linzistis ki baze lor apartans relizyon. Kontrerman avek nu lim nasyonal "dan lape lazistis ek liberte", tu dimunn dan silans kone ki pe pase dan sa peyi la, me personn pa finn ena fyel pu lev lavwa.

Me aster kan sak kominote pe reyni ant zot ek kre enn "asosyasyon" pu veye ki pena okenn linzistis ki pase dan zot kominote, bann politisyen ek media kumans tret zot kominalis.

Si dan u kartye devan u lizye, bann droger, bann sular ek bann sovaz mank u fam, u zanfan ek u prosin respe ek u met enn depozisyon dan polis stasyon me lapolis pa fer nanye, eski bizin res lebra krwaze ek res sibir imilyasyon ?

Si akoz zot non ek zot relizyon zot sibir bann inzistis ek personn pa pran zot kont kan zot denonse, eski zot bizin aksepte, pez nene bwar delwil ?

Dimans dernye lor zurnal Star, VoZ finn pas enn ti anons ki telefonn lor tel nimero si akoz zot relizyon bann inzistis finn komet anver zot. Ki kominalis zot truve landan ? O'kontrer, zot pe atak bann kominalis ! Linite fer lafors. Enn asosyasyon pli for ki enn individi.

Zot konparab avek bann radio prive ki sak matin pran bann apel telefonn ek esey ed bann dimunn an direk. Sof ki zot ofer zis enertan uswa dezertan emisyon ek pa tu dimunn ki resi pas lor antenn. Radio'la li vre, li pu tu kominote, me zot pa pu kapav al fer bann manifestasyon uswa rant dan profonder bann problem kuma bann asosyasyon "Voice of...".

Me tut'fwa mo dakor ki sa bann grup'la, si zot derape, volkan kapav eklate ek Moris dan lespas de'trwa zur return'a'zero. Alor bann lotorite bizin kre enn lapolis sekre ki sirvey pa zis sa bann grup'la, me tu parti politik dan Moris depi byen pre. Ek guvernman bizin pa mel zot dan sa lapolis sekre'la. Enn grup kot ena bann "vre zom" kuma dan MRA ek non'pa kuma laplipar lapolis ki kapon.

Tu dimunn kone ki dernye eleksyon ti enn eleksyon kominalis ek plizir politisyen ti fer bann diskur kominalis me nu pena okenn prev. Me bann zorey ki ti laba, prezan, ki ti tande, kifer zot pa ti denons sa bann diskur'la ? Ki sa sinifye ? Mo les zot mem tir bann konklizyon.

Akoz sa ki mo panse ki tu bann miting dan Moris bizin anrezistre par sa lapolis sekre'la ek osi, par bann radio prive osi.

Pu ki lape, lazistis ek liberte vinn enn realite dan nu ti lil, bizin ena bann gard'fu.

Tahir Hussen Pirbhay
tahir.pirbhay@gmail.com
www.pirbhay.com

POU PRISHEELA MOTTEE

2008-07-07T13:51:00.002+04:00

Kreol neseser dan lekol

Sa let-la li enn repons pou lartik ki ti aparet lor Forum Le Mauricien le 4 zilyet 2008.

Litilizasyon langaz kreol dan lekol pou anseign bann zelev li byen neseser.

Pran lexanp bann zelev dan primer. Sa bann laz-la, zot pe ankor aprann bann vokabiler baz dan angle ak franse.

Aster si bann profeser explik zot matematik, zeografi ek lezot size dan sa de langaz etranze-la, komye pou konpran ek ki kantite zot ariv konpran ?

Si nou konpar enn zelev ki gagn bann lanseignman dan so langaz maternel, ek enn lot dan enn langaz etranze, ninport ki li franse ouswa angle, premye-la sertennman pou asimil plis informasyon.

Mo tout-a-fe dakor avek ou kan ou dir ki " nou zanfan bizin konn servi bon angle, franse, ek lezot lang pou nou kapav debat dan sa lemonn rapid-la ".

Okenn militan langaz kreol morisyen zame finn dir lekontrer. Me nou pou ariv sa nivo-la pli byen si nou servi nou langaz maternel dan lanseignman.

Nou bizin fer lanseignman dan langaz kreol vinn obligatwar omwin ziska Form 3. Sa laz-la, tou bann zelev seki resi al de lavan, mo panse ki zot fini gagn enn bon bagaz pou dezorme resevwar bann lanseignman an angle ouswa an franse.

Me si nou baz pa bon, ek nou baz li lekol primer, alor nou pa pou ariv bann bon nivo ledikasyon dan nou peyi. Ki li dan langaz etranzer, ki li dan bann lezot size.

Mo pa trouv okenn lozik kan ou dir : " Pou ki enn zanfan kapav ekrir bon kreol mo panse li bizin ena enn bon nosyon angle ek franse akoz ninport kouma, li pou bizin konn lalfabet…."

Alfabet romin pena nanye spesyal avek angle ouswa franse. Eski bann Italyen, Espanyol ouswa bann Portige, pou ki zot aprann ekrir zot langaz respektif, zot bizin al aprann angle ouswa franse? Enn zelev ki pa konn ni angle ni franse, ou anseign li kouma lir ek ekrir langaz kreol avek itilizasyon bann alfabet romin, li konparab avek enn zelev ki premye fwa pe aprann lir ek ekrir angle ouswa franse. Pou tou-le-de ki enn nouvote.

Mo remersi ou parski tan ki ena bann deba, bann partaz lopinyon ek lide lor langaz kreol, mo panse ki enn zour nou pou trouv enn bon lizour !

Tahir Hussen Pirbhay

Pibliye lor lemauricien merkredi le 16 zilyet 2008

Pu Mauritius Urdu Speaking Union ek Islamic cultural centre

2008-07-05T06:27:00.001+04:00

Abida Parveen : Invite D'oner

Sa fer deza 3 an ki Islamic Cultural Centre ti invit ustad Ghulam Ali, enn lezand vivan, pu selebrasyon Eid. Ek sa ti enn moman formidab ki res grave dan nu memwar.

Pu sa lane'la, sa ti pu fer nu (bann pasyone langaz urdu) enn imans plezir, si nu l'invite li Begum Abida Parveen ki osi enn lezand vivan. San kontestasyon, Begum Abida Parveen li enn fyerte dan lamizik Sufi ek meyer ki tu bann lezot kawali dan nu lepok.

Avek so lavwa extraordiner ek so lamizik ipnotik, li kre enn latmosfer meditasyon ki fer li vinn mem nivo avek Nusrat Fateh Ali Khan.

Begum Abida Parveen ena enn de bann pli zoli lavwa ek linn ranport buku award prestizye pu so bann sante ek suvan li invite dan bann festivite dan L'Ind ek partu dan lemond.

Li ena pu bann admirater, bann gran santer, bann artist de valer ek bann pasyone Ghazal ek lamizik Sufi.

Beni nu later par so prezans ek grav so lavwa pu leternite dan lansint Islamic Cultural Centre, bann pasyone langaz urdu ek lamizik sufi pu extra rekonesan.

Khuda Hafiz

Tahir Hussen Pirbhay
www.pirbhay.com

pibliye lor lemauricien zedi le 17 zilyet 2008

Lapolis Zokris

2008-07-03T15:57:00.000+04:00

Dan Lil Zokris
Pa andrwa fim kanabis
Si gagn trape par lapolis
Ramas savonet "Oh que ca glisse!"

Dan Lil Zokris
Lizur pa telefonn lapolis
zot pena transpor ek aswar
zot lagel santi tis

"Pas dime misye, tro tar"
Tro tar, lapolis fini bwar
Stasyon uswa bar
Ena ankor plis, uver zot far!

Lor sime tu seki pase
lapolis bat zot bis
tar dan lanwit
iniform ble vinn erotiks

Zot pas kot zardin Delis
expozisyon tinpi
bann karikatir ranpli ar maladi
ek fer sa mo ki kumans par
"m" "a" ek fini par "lis"

© Tahir Hussen Pirbhay
www.pirbhay.com

Yahoo Answers : Where are we? What are we doing here? How can...

2008-07-02T07:38:00.000+04:00

Peace on You

These are the questions where reasonable or tangible answers are impossible to find.

You have three options:

1) Join a religion and do not search for the truth in it. Just put all your faith on their answers to these questions.

2) Spend your whole life searching for their answers and forget to live.

3) Or accept that the answers are impossible to find and try to make your life a success, through cultivating love and contributing your know-how for the betterment of the world.

Concentrate on what brings happiness and peace and you will be happy and at peace.

With love

Link to this question

Sri Jagannath Ratha Yatra 2008

2008-07-01T14:25:00.001+04:00

Prosesyon dan Ter-Ruz

Samdi ver 4pm, mo pe return lakaz lor moto kan mo truv bann manb Iskcon (Hare Krsna) pe fer enn prosesyon dan Ter-Ruz...

Ti ena enn arom dan ler,
lazwa dan tu leker,
bann sante ek danse,
bann parol sinp
ek muvman sinp,
pe fer eloz
ek selebre bondye...
si paradi
li enn leta despri
alor mo ti truv li samdi
zame oparavan
monn truv otan
figir inosan
ek sudin... enn regre
anvayir mo leker
ki demande :
"kifer pa mwa"

Lor Sri Jagannatha Ratha Yatra, le fondater de Iskcon, "Srila Prabhupada" ti dir ki :

"I have already explained what is this Ratha-yatra festival. It is in commemoration of a grand visit by Lord Krsna along with His elder brother, Balaräma, and His younger sister, Subhadrä, in a solar eclipse ceremony at Kuruksetra. This occasion is the subject matter of this Ratha-yatra festival." (Ratha Yatra Lecture, 27/6/71)

"So far your questions about Lord Jagannatha and Ratha-yatra Festival, the first Ratha-yatra Festival was 5,000 years before, when Krsna and Balarama and Subhadra came from Dvaraka to Kuruksetra. So far the festival at Puri, there is no such history, but it must be more than 3,000 years. At least there is recorded history 2,000 years old, because we see in the Aquarian Gospel that Lord Jesus Christ was attending the Ratha-yatra Festival at Puri. Yes, there was attempt by Radharani to take back Krsna from Kuruksetra to Vrndavana." (Letter to Jadurani, 4/1/73)

Mo ti fer enn lamars dezer'tan avek zot pu pran anviron 170 foto ek bann mini klip video pu imortaliz sa zur'la. Dan bann dernye minit ki monn pase avek zot, afors ekut maha mantra ek get bann danse, mo ti rant dan enn trans. Si mo sime ti ankor pli long, mo ti pu enn parmi zot...
Ena 40 foto ki mo finn pibliye lor mo sit ki mo espere pu emervey zot : www.pirbhay.com

Tahir Hussen Pirbhay
tahir.pirbhay@gmail.com
www.pirbhay.com

Yahoo Answers - Muslims: Without using any sources..how much do you know about Christianity..??

2008-07-01T13:20:00.000+04:00

Peace on You

Your question in itself is wrong.

Without any source, how can someone "know ?

No one "knows" anything on anything without source.

Without quoting Pastor X, Priest Y, Old Testament or New Testament, how can someone "know" anything on Christianity?

Without any source, one will only say things from his/her own guesses and individual observations. These are not knowledge. But guesses. Unintelligent words...

Best Wishes

Sri Jagannath Ratha Yatra

2008-07-01T11:30:00.000+04:00

Prosesyon dan Ter-Ruz

Samdi ver 4pm, mo pe return lakaz lor moto kan mo truv bann manb Iskcon (Hare Krsna) pe fer enn prosesyon dan Ter-Ruz...

Ti ena enn arom dan ler,
lazwa dan tu leker,
bann sante ek danse,
bann parol sinp
ek muvman sinp,
pe fer eloz
ek selebre bondye...
si paradi
li enn leta despri
alor mo ti truv li samdi
zame oparavan
monn truv otan
figir inosan
ek sudin... enn regre
anvayir mo leker
ki demande :
"kifer pa mwa"

Lor Sri Jagannath Ratha Yatra, Srila Prabhuapada (fondater Iskcon), dir ki :

“I have already explained what is this Ratha-yatra festival. It is in commemoration of a grand visit by Lord Krsna along with His elder brother, Balaräma, and His younger sister, Subhadrä, in a solar eclipse ceremony at Kuruksetra. This occasion is the subject matter of this Ratha-yatra festival.” (Ratha Yatra Lecture, 27/6/71)

“So far your questions about Lord Jagannatha and Ratha-yatra Festival, the first Ratha-yatra Festival was 5,000 years before, when Krsna and Balarama and Subhadra came from Dvaraka to Kuruksetra. So far the festival at Puri, there is no such history, but it must be more than 3,000 years. At least there is recorded history 2,000 years old, because we see in the Aquarian Gospel that Lord Jesus Christ was attending the Ratha-yatra Festival at Puri. Yes, there was attempt by Radharani to take back Krsna from Kuruksetra to Vrndavana.” (Letter to Jadurani, 4/1/73)

Mo ti fer enn lamars dezer'tan avek zot pu pran anviron 170 foto ek bann mini klip video pu imortaliz sa zur'la. Dan bann dernye minit ki monn pase avek zot, afors ekut maha mantra ek get bann danse, mo ti rant dan enn trans. Si mo sime ti ankor pli long, mo ti pu enn parmi zot...

Ena 40 foto ki mo finn pibliye lor mo sit ki mo espere pu emervey zot : www.pirbhay.com

Tahir Hussen Pirbhay
tahir.pirbhay@gmail.com
www.pirbhay.com

Dare fore more : Diabet

2008-06-28T13:49:00.001+04:00

Dan enn peyi kuma Lil Moris ki parmi bann premye lor diabet dan lemond, nu truv bann reklam, sirtu bann bwason gazez, pe fer bann marketing agresif ek abizif an tut liberte.

Ziska ena enn ki direkteman insit bann dimunn avek so lanblem "Dare for more" pu konsom plis bwason gazez. Ek nu tu kone ki bwason gazez li enn de bann koz prinsipal diabet dan Moris.

Minister Lasante ek bann lezot organizasyon suvan zot organiz bann depistaz diabet, ofer bann konsey kuma evit li, ek bann lezot mezir prevantif pu konbat diabet.

Me li pa sifi. Si ena pu amenn enn vre konba kont diabet, bizin aplik bann gran mezir.

Par exanp,

1) fer retir bann reklam ki insit nwizans lasante bann dimunn, ek byen filtre bann reklam avan permet zot difize dan nu peyi.

2) obliz bann konpanye bwason gazez afis lor zot butey, komye disik ena an gro karakter, komye disik sifi pu lekor imin, ek bwason gazez li enn de bann koz prinsipal diabet dan Moris.

Si lor bwat sigaret afis komye nikotinn ek tar ena, kifer pa lor bann butey. Eski disik pa pe fer plis ravaz ki nikotinn dan Moris?

Pena okenn la'ont pu pran bann tel mezir pu konbat diabet,
Eski zot pa onte ki Lil Moris finn vinn Lil Diabet ?

Tahir Pirbhay
http://tahirpirbhay.multiply.com

INDONEZI : Diskriminasyon relizyez

2008-06-25T17:38:00.003+04:00

Gouvernman indonezyen finn anons bann restriksyon byen difisil pou bann Ahmadi.

Bann Ahmadi finn menase ki si zot pa aret zot relizyon, zot riske 5 an anprizonnman.

E pourtan konstitisyon indonezyen garanti liberte pou pratik relizyon.

Sa dernye atak kont bann Ahmadi reprezant enn soumisyon anver bann ki degize kouma bann lider islamik. Souvan zot fer kanpagn pou anflam la enn dan leker bann mizilman kont la kominote Ahmadiyya. Li reprezant viktwar bann fanatik ki servi non Allah !

Kifer zot fer sa ? Parski zot zalou progre bann Ahmadiyya ek per ki zot bann mam konverti ek rant dan mouvman Ahmadiyya ki san okenn dout, sel group ki finn gagn plis konverti depi bann lezot group mizilman ek non mizilman. La enn li zot proteksyon.

Semenn davan enn ti pwanye mizilman non-ahmadi ki krwar dan tolerans, ti pe demontre zot soutyen anver bann Ahmadiyya lor sime me zot ti atake par bann mam enn group islamik ek lindi pase enn milye fanatik ti desann lor sime pou soutenir lide ki bizin banir kominote Ahmadiyya dan Indonezi.

Li byen trist ki la mazorite indonezyen ki apel zot mizilman soutenir lide ki bizin banir bann Ahmadi. Enn zafer ki totalman kont lansegnman koranik.

Sapit 2 verse 256 dan Quran dir : " There is no compulsion in religion… "

Sapit 17 verse 53,54 : " And tell my servants that they should speak in a most kindly manner (unto those who do not share their beliefs). Verily, Satan is always ready to stir up discord between men ; for verily ; Satan is man's foe … Hence, We have not sent you (Unto men O Prophet) with power to determine their Faith. "

Lir Quran kouma enn peroke san konpran nanye, krwar tou seki intel dir, les labarb pouse, met kajal, tenn labarb avek mindi, enn miswak dan pos ek abiy kouma bann arab pa fer nou vinn enn mizilman.

Si omwin zot ti kone… !

Mirza Hussen

Pibliye le 25 Jwin 2008

Ayatullah Khomeini - Enn bref parkur lor so lavi

2008-06-23T10:46:00.007+04:00

Ayatullah Khomeini ti fondater ek lider siprem Repiblik Islamik Iran. Sel lider dan lemond mizilman ki ti konbinn politik ek lotorite relizye kuma latet de leta. 1979-1989 ti mark premye deseni Repiblik Islamik Iranyen ek dernye deseni so lavi.

Lanfans

Ayatullah Ruhullah Musawi Khomeini ti ne le 20 Jamadi al-Akhir 1320 (kalandriye islamik) / 24 Septam 1902 dan enn ti lavil ki apel "Khumayn". So nesans ko'insid avek laniverser nesans Profet Mohammad so tifi, Hazrat Fatima. Li sorti depi enn lafami ki ena enn long tradisyon dan letid relizye. So bann anset ti desandan Imam Musa al-Kazim, setyem Imam bann Shia.

Sink mwa apre so nesans, so papa Mustapha Musavi ki ti sef relizye so lavil ti asasine par bann bandi. Li ti elve par so mama ek matant, tou'le'de ti mor kan Ruhullah ti apre'pre kinz'an.

Ledikasyon

Li ti kumans so ledikasyon par memoriz koran ek li ti vinn enn hafiz laz 7 an. Apre, linn konplet so bann letid dan Lalwa Islamik, etik ek filozofi spirityel lor sipervizyon Ayatullah Abdul Karim Haeri-ye Yazdi, dan Qum. An 1980 kan li ti pe adres enn grup enn viziter la'parol, li ti deklare ki "ninport kot mo kapav ete, mo enn sitwayen Qum, ek sa fer mo fyerte. Mo leker tuletan avek Qum ek so bann dimunn."

Politik avan 1963

Repite pu so bann lopinyon politik agresif kont dinasti Pahlavi, bann azan sekirite Shah Reza Khan ti gagn lord pu anpes bann aktivite Ayatullah Khomeini. Me linn kontinye fer pas bann mesaz avek fermte. Apre lamor Ayatullah Borujerdi, ki ti sef relizye sa lepok la, « Imam » (lider spirityel) Khomeini ti swazir par bann Ulema ek lepep pu siksed li.

Rebelyon

Kumansman Moharam, bann manifestan dan Tehran ti sarye Imam Khomeini so foto lor sime ek denons Shah devan so pale.

Le 3 Jwin 1963, lapremidi Ashura, Imam Khomeini ti fer enn diskur istorik kont depandans Iran lor bann puvwar etranze kuma lamerik ek so sipor anver Israel. Li ti fer enn konparezon parelel ant kalif Umayyad Yazid ek Shah ek met Shah an gard ki, si li pa sanz so bann fason (pu diriz Iran), enn zur pu vini kot lepep pu remersi li pu kit Iran. Sa miz an gard la li remarkab parski an 1976, Shah ti oblize kit Iran devan bann Iranyen ki ti pe selebre so depar. Imam Khomeini ti osi rapel bann mizilman rol bann Ulema dan sosyete dan so diskur.

Le 5 Jwin, Imam Khomeini ti arete. Me so diskur ti fer lepep Iranyen desann lor sime dan Qum. Kan sa nuvel la ti ariv dan bann lezot lavil, pandan de zur lepep Iranyen ti manifeste kont Shah ek exprim zot sipor anver Imam Khomeini.

Bann trup akonpanye par bann tink ti deplwaye pu kraz bann muvman progresif anti-Shah. Buku ti truv lamor ek Shah so rezim diktatir ti paret kumadir inn genye. Me parey kuma Mu’awiya so garson Yazid ki ti siksed li ek kontinye abiz pozisyon kalif, ti masakre Imam Hussayn ek so fami dan Karbala parski zot ti opoz Yazid so guvernans satanik, viktwar ti aparet dan so kote. Me lagrin revolisyon Islamik ti fini plante.

Lexil

Le 4 Novam 1964, Shah ti anvway Imam Khomeini an exil an Tirki, apre an Irak. Laba li ti res dan Najaf ek li ti kumans anseign fiqh dan Shaykh Murtaza Ansari madrasa. So bann klas ti ranpli pa zis par bann etidian Iranyen me osi depi Iraq, Lenn, Pakistan, Afganistan ek plizir lezot pei. Ofet, ti ena enn propozisyon pu enn migrasyon an mas depi Qum ek lezot sant relizye dan Najaf ki Imam Khomeini ti dekuraze parski sa ti pu diminye popilasyon Qum ek afebli li kuma enn sant gidans relizye.

Liver 1977, bann azan “Savak”, Shah so lapolis sekre, ti asasinn Imam Khomeini so pli gran garson Haj Mostafa. Dan plizir lavil, ti ena bann manifestasyon an mas pu demontre zot tristes anver martir Haj Mostafa ek zot koler kont Shah. Plizir dimunn ti truv lamor dan sa bann manifestasyon’la ek Shah ti deside ki meyer fason pu kalme sitiasyon, anpes Imam Khomeini so bann mesaz vinn dan zorey bann Iranyen.

Le 3 Oktob 1978, Shah ti demann ek gagn korperasyon rezim Irakyen pu deport Imam Khomeini.

La’Frans

Li ti kit Irak pu Kowet, me guvernman Kowetyen ti refiz les li rantre. Apre enn moman ezitasyon ant Alzeri, Liban ek Siri, Imam Khomeini ti aksepte konsey so dezyem garson Sayyid Ahmad Khomeini ek anbark ver Paris. Enn fwa ki li ariv Paris, Imam Khomeini ti pran rezidans dan enn ti vilaz « Neuphle-le-Château » dan enn lakaz ki ti lwe pu li par bann Iranyen an exil dan la’Frans.

Le 11 Oktob 1978, Imam Khomeini ti anons so lintansyon pu al dan ninport ki pei Mizilman ki asir li liberte expresyon. Me sa pann materyalize. So deportasyon par lafors ti kre enn koler dan Iran. Shah so bann demars pu anpes bann Iranyen gagn bann mesaz Imam Khomeini ti return kont li. Bann kominkasyon telefonik avek Tehran ti byen fasil depi Paris ki depi Najaf, gras a determinasyon Shah pu konekte Iran avek Lwest in tu bann mwayen posib. Plis ankor, enn gran kantite zurnalist a’traver lemond antye ti vinn La’Frans ek kumsa bann mesaz Imam Khomeini ti sirkile partu dan lemond tu’le’zur.

Lironi, samem lwest ki Shah ki pe “sutire”, zot media ti fors Shah pu kit Iran ek permet guvernman Bakhtiyar pran puvwar. Me Imam Khomeini ti res lor so inisyativ: li ti determine pu return dan Iran. Iran ti prepar pli gran seremoni retur ver pei dan listwar. Imam Khomeini ti kit Paris pu Tehran le premye Fevriye 1979.

Return Iran

Bann sime dan Tehran ti ranpli par milyon dimunn ki ti pe atann avek antuzyas zot Gran Imam. Avyon dan ki li ti vwayaze ti aterir dan Merababd erport dan Tehran. Apre 15 an, Imam Khomeini poz so lipye dan so pei. So premye aksyon ti vizit simitir Behest-e Zahra pu rann omaz bann martir revolisyon islamik.

Tu’le’zur par milye dimunn ti pe presipite pu truv Imam Khomeini. Enn guvernman interim ti kre ek enn nuvo leta ti pe forme gradyelman. Lepep ti vot pu Repiblik Islamik ek aksepte so konstitisyon. Ek lemond inn temway premye leta Islamik apre 1400 banane.

Repiblik Islamik Iran

Apre ki Repiblik Iran ti forme, Imam Khomeini pa ti zis enn lider, me enn “papa” ki pran swin so bann zanfan (lepep). Li ti mem pran swin bann ki ti mal azir. Lepep ti extra kontan li, mem bann mizer, bann demini ek bann konbatan liberte dan lezot nasyon.

Imam ti fer laplipar so bann diskur pandan 1979-1989. Li ti donn bann solisyon pu tu bann problem. Pa zis explik lor relizyon ek etik, me explik an detay bann bi ki enn repiblik islamik ena ek kuma zer bann zafer lokal ek internasyonal.

Dezyem Revolisyon

Le 4 Novam 1979, bann etidyan iniversite Tehran ti pran lanbasad amerikin an otaz. Zot ti demann extradisyon Shah lor kondisyon pu liber bann otaz. Imam Khomeini ti ofer bann etidyan la so proteksyon ek proklam zot aksyon kuma enn pli gran revolisyon ki premye’la. De zur apre, li ti predir ki konfronte par sa dezyem revolisyon’la, lamerik pa pu kapav fer nanye.

Sa prediksyon la ti kitfwa paret extravagan pu plizir Iranyen, me lamerik ti fer enn expedisyon militer le 22 Avril 1980 pu sap bann otaz amerikin ek posibleman atak bann sit sansib dan Tehran ek sa ti terminn avek imilyasyon pu bann amerikin kan zot de avyon ti kraz kont zot mem dan enn tanpet pre ar Tabas dan sid Iran.

Le 7 Avril, Letazini ti formelman kas zot lyen diplomatik avek Iran, enn aksyon ki Imam Khomeini inn akeyir kuma enn lokazyon pu Iran pu selebre. Bann otaz amerikin ti finalman libere le 21 Zanvye 1981.

Relizyon ek Politik

Linite ant Shia ek Sunni ti enn so bann dernye preokipasyon ; li ti, ofet, premye lotorite Shia ki finn deklar inkondisyonelman validite lapriyer par bann Shia deryer enn mowlana (pret) Sunni.

Mem grander revolisyon ki Imam Khomeini finn fer, so personalite ti esansyelman enn gnostik ki truv bann aktivite politik kuma enn reaksyon natirel ki sorti depi enn lavi interyer avek devosyon intans…

Enn ti anekdot

« Zur noel dan la’Frans, Imam Khomeini ti adres enn mesaz a tu bann kretyen ek sa ti pas lor tu bann zurnal antye lemond. Li ti dir nu osi al distribye bann rezidan Neuphle-le-Château bann kado… Akote sak pake (kado), nu ti met enn buton fler.

Dan bann plas ki nu ti ale, nunn santi ki buku dimunn dan lwest pa familye avek zantiyes ek lamur, mem ant papa ek zanfan. Zot ti santi sa etranz ki lanwit nesans profet bann kretyen, enn sef spirityel Iranyen non-kretyen ti byen pros avek zot ek santi lamur pu zot. Par exanp ti ena enn madam ki, kan li ti pran Imam so kado, ti sitan emi ki larm ti pe kul lor so figir. » (Hujjatul Islam Ali Akber Muhtashami)

Not : Lobzektif sa lartik’la, iliminn bann lekter lor grander Imam Khomeini, so bann kalite extraordiner ek exanpler, insit zot pu al dekuver li dan bann biografi ek lezot surs, ek anlev depi lespri bann inyoran lide ki so fatwa kont Salman Rushdie ki finn rann li seleb. Mo terminn sa lartik’la avek enn sitasyon Robin Woodsworth Carlsen depi so liv ‘The Imam and The Islamic Revolution’ :

« … ek mem sa, mo bizin dir plis; Imam Khomeini inn penetre dan mo leker ek mo lespri avek enn kuran d’emosyon ki mo kapav dekrir kuma enn pozitivite extrem, seki mo pu prefer apel ‘lamur’. »

Tahir Hussen Pirbhay

Lamizik : Mistik

2008-06-03T15:24:00.001+04:00

Kan mo ti pe fer
lapriyer
gramaten boner
ti ena enn ti sante
dan ler
byen du
byen zoli

akonpanye par
de mizisyen,
dan mo lapriyer
sante la rant
mari byen;

kumajir lespri sen
finn desann lor mwa;
enn vre kominyon
avek kreater

avan ki soley leve
zwazo, jivan ek vag
finn revel mwa
zot sekre:

si enn sante
ek enn lamizik
pe glorifye bonjye
amenn lape, lazwa,
ek rapros nu plis
ver li,
kuma zot kapav blasfeme
ki li enn pese

eski zot figir
pa desinn enn surir
kan zot truv enn mama
bers so zanfan
avek enn morso?

eski zot pa rant
dan enn trans
kan zot repet
bann parol bonjye
dan moske?

eski lamur
pu zot kreater
ek so profet pa granji
kan zot resit
bann poezi?

parol san enstriman
li enn lamizik;
lamizik san parol
li enn sante;

Zot ena puvwar
fer nu leker
vinn Tahir*
donn nu lespri lezel
ek anport nu
ver l'odela

© Tahir Pirbhay
www.youtube.com/tahirchannel

*pir, prop

Kiltir Bufon

2008-05-23T15:55:00.003+04:00

Kan nu koz bann akter ek animater Morisyen, tutswit non bann bufon vinn dan nu lespri. Li deplorab ki zis sa kategori'la ki kapav sirviv.

Zame avan nunn truv otan dimunn interese pu al teat. Me ki zot al fer laba ? Zot al pey bann bufon pu fer bann bufonnri, koz koze napa, ek suvan'de'fwa avek enn bon doz vilgarite, pu fer zot gagn riye. Avredir, zot inn fer nu bann teat vinn bann sirk.

Apre zot bann sikse fu, zot pe fer sitcom lor televizyon. Ler ki program la zwe, mo televizyon pa kapav brans lor mbc2.

Ena enn radio prive ki dapre sak sondaz li mem tuzur res kas pake. Zame monn kapav apresye li parski ena enn zom ki res koz kuma enn vye matant dan preske dan tu zot emisyon. Sekre so sikse, li dat depi so kreasyon kot ti ena enn animater dan sa radio'la ki ti fer enn taba parski li ti pe telefonn bann dimunn ek pran nisa ar zot. Linn disparet lor map, nepli tann li aster: Bon Debara !

Lor enn lot radio prive, ti ena enn animater ki ti pe anim enn program kot bann oditer telefone ek koz enn'de ti mo lor antenn, demand enn sante ek pas bann dedikas. Animater'la pas so letan pran nisa, imilye, servi bann langaz malprop avek so bann oditer. Li apel sa “dekontrakte”, “tir stres” ! Seki pli sokan, nu demann nu kuma bann dimunn kontan telefone ek gagn maltrete an direk ek fer sa napa'la vinn zot idol.

Nepli tann li lor sa emisyon'la. Mo ti krwar ankor enn fwa bon debara, me aster pli pir. Pe bizin get so figir dan bann reklam lor televizyon. Bann lekter kapav kone ki reklam mo pe koze. Zot ena pu zize lekel pli bufon! Bug'la ena enn fizyonomi ki byen resanble so lespri.

Eski (laplipar) Morisyen, zot enn ras sitan oprese uswa strese ki zot bizin al pey bann bufon vilger pu vinn fer zot riye ?

Eski zot kontan imilyasyon an piblik, dimunn pran nisa ar zot, pu zot santi lazwa dan zot leker ek “dekontrakte” ?

Tu seki serye, artistik, bon fim, bon lamizik, bann program intelizan, fer laplipar morisyen gagn somey. Zot ena enn kiltir bufon pu pa dir “grosye”. Pu bann ki panse mo pena enn bon sans'de'limur, les mo dir zot ki mo pena ni pasyon ni pasyans pu bann bufonnri, seki zot ena an ekse.

Konpansasyon Mizerab

2008-05-22T17:46:00.000+04:00

Nu premye minis sign enn shek $ 300,000 (pa rupi, me DOLAR) pu ed bann viktim tranbleman'de'ter dan lasinn tandi ki dan so pei kot so lepep pe vinn depli'zan'pli pov, so minis donn enn ogmantasyon mwens ki rs290 lor saler bann dimunn ki pe tus anba rs8000.

Tann premye minis koze lor radio pu so ekzazerasyon dan donn sarite, kumadir sa larzan la sorti depi so pos. Larzan la sorti depi so lepep so pos, pu ofer lepep bann servis, ek ed bann seki dan pins. Donn trwasanmil dolar fasil pu tire, me pu donn ogmantasyon bann morisyen, zot lame sere.

Ala bann mantalite ki pe rod bann mwayen pu konbat lamizer dan moris !

Lakrwaze

2008-04-27T15:25:00.000+04:00

per ki to leker kase
to fer krwar to pa amure

ek rod fer mwa krwar
ki pa lamur mo pe resanti
me lanvi...

to jir lamur li pa jire
sinon kifer
mo maryaz inn kase

me les mo jir twa
mo gate,

Lamur : li lanvi nu leker
Lanvi : li lamur nu lekor

to res dan nwar ek lamante
ar premye garson ki pase

ki lavi pena sans
ek sa donn li sans
pu transforme
ek vinn enn labuzi
pu iliminn to lavi

to protez so laflam
avek pasyon
ziska lafreyer pran twa
ek to jir:

tu labuzi pu fini enn zur
prefer teny li
avan li teny par li
kifer bizen zwir lalimyer
si li zis pasazer

si omwen mo leker
ti an lasir...

tonn miz lor lamitie
monn miz lor lamur
nu finn perji nu zwe

to sime ek mo sime
ena enn sel lakrwaze
sel moman nu santiman parey
kan li abiy an dey

nu sime zwenn
zis pu separe

© Tahir Hussen Pirbhay
http://tahirpirbhay.blogspot.com
tahir.pirbhay@gmail.com

“Lerer Prosper” : Pli gran laont dan listwar Moris

2008-04-27T15:14:00.001+04:00

Komye dimunn konpran nu lim nasyonal ek apartir ki laz zot ariv konpran li?

Mo rapel byen, sa zur kot guvernman ti bril larzan lepep avek ekzazerasyon pu fer enn fet grandioz, mo ti demann mo ti`nyes sant lim nasyonal pu mwa.

Linn fer li san okenn fot, dan enn sel tre ek avek enn gran fyerte. Pa “fyerte nasyonal” me enn fyerte kuma dir li pe sant enn sante Britney Spears uswa enn lot spesimenn par ker.

Letan mo demann li “ki tonn konpran”, “ki sante la pe dir”, li lev so zepol, fer enn lizye du ek reponn “pa kone” - apre li kas enn riye (parski li santi li dekonserte). Li ena 7 an.

Samdi le 26 Avril, mo ti al fer enn letur dan enn kartye inpe retire pu pran inpe foto. Bann dimunn byen amikal, ek pann tarde pu met inpe dialog. Laba, langaz ki zot koze tu'lezur, li bojpuri morisyen. Monn santi enn fristrasyon, kumadir kikenn inn komet enn krim kont mwa, parski personn pann montre mwa koz enn langaz morisyen!

Bann abitan'la koz kreol byen mem si ena fwa nu truv enn ti ezitasyon lor aplikasyon enn de mo parski bojpuri li zot langaz maternel. Me seki inportan, zot konn koze ek zot konpran. Al demann bann'la sinifikasyon lim nasyonal, zenerasyon bann gran paran pa konpran enn ferfut, bann paran kapav tras trase, bann nuvo zenerasyon, lekol primer ek mem segonder, personn pa konpran li dan so totalite.

Ofet li parey dan lavil ek partu dan lil. Konsilte bann gran paran ek paran kinn viv lepok lindepandans, ena buku pa konn sinifikasyon'la.

Ek misye Jean-Georges Prosper dan enn zurnal le 22 mars 2008, dir ki “Tout le monde est libre de changer, s'ils n'ont rien de mieux à faire.” Ki pu fer, travay ki bann morisyen responsab ti bizin fer depi 1968, zordi nu ki pe bizin fer li.

Akoz lerer Prosper (lim nasyonal an angle), nu pe bizin lite ek konsyantiz bann dimunn lor linportans pu ena enn lim nasyonal MORISYEN ek pa dan langaz ki Prosper ti sant’li : KOLONYAL.

Laz ki unn arive respektab Prosper, u pena nanye pu fer sof defann seki fer u fos fyerte, samem seki fer nu pli gran laont dan listwar Moris depi so lindepandans.

Tahir Hussen Pirbhay
http://tahirpirbhay.blogspot.com
tahir.pirbhay@gmail.com

Pibliye lor lemauricien le 14 Me 2008

Furborl Lokal pe sufer

2008-04-14T11:24:00.003+04:00

Rezon prinsipal : Media pa interese !

Dimans gramatin, fodre monn aste enn zurnal pu ki monn kone ki dan lapre-midi ena final Republic Cub maskilin ek feminin dan Moris.

Media Morisyen uswa Media Angle ?

Li byen sagrinan ki, kan ena bann match lalig ek kup angle, ek bann match internasyonal, nu truv MBC, tu bann radio ek lapres prepar bann morisyen pu sa bann match'la ek met zot dan lanbyans. MBC par zur pas lanons bann match ki pu zue, ena fwa 3 zur avan, plizir fwa lor so trwa senn prinsipal. Parey pu bann radio ek anplis de sa, zot invit bann piblik sms ek telefone pu donn zot lopinyon ek kumsa, zot kre bann forem vertyel ki byen interesan, ek osi amizan. Lapres ena fwa zot fini kumans ekrir bann gran lartik 2 zur avan avek plin foto, poster, intervyu, ena fwa zot mem lor kuvertir lagazet ek magazinn.

MBC al ziska organiz bann program televize kot zot invit bann lantrener lekip lokal vinn komant lor bann match angle ek internasyonal. Enn pratik ki mo truv debil. Tu sa bann zestaz-la pu bann zafer ki pa konsern nu pei !

Neglizans Media

Pu bann match lokal, lapres ofer enn ti but lartik dan enn paz ek pu enn final lokal, kitfwa lamwatye paz. Par zur mo ekut anviron trwazertan radio me zame mo'nn tann lanons final Republic Cup ki li maskilin, ki li feminin. Zame nu tann bann nuvel konsernan futborl lokal sof dan informasyon aswar apre ki bann match finn zwe dan lapremidi. Pena bann nuvel kuma tel zwer inn al dan tel lekip, tel zwer inn blese, intervyu bann zwer ek lantrener ek osi bann fans.
Si bann Morisyen pa interese, pa zis par furborl lokal me tu bann spor lokal, ki li voleborl, basketborl, maskilin uswa feminin, li an gran parti akoz bann media ki pa pe fer zot devwar kuma bizin. Li zot devwar pu kre enn santiman Morisyanism dan tu so definisyon. Bizin donn spor lokal plis lespas dan lapres ek lor tele.

Pena kuvertir futborl feminin

Kifer MBC pas final Republic Cup maskilin andirek ek pa pas final Republic Cup feminin? Li dekurazan pu bann lekip feminin ki la MBC ek lezot media MONTRE kareman zot dezinteresman. Mem si zot bann novis, dan nu pei nu bizin tret zot kuma bann profesyonel sinon pa pu ena progre. Bizin donn zot mem latansyon ki bann lekip maskilin.
Bann lekip pa konn organiz bann fans

Pu termine, mo panse enn lot rezon ki byen inportan, bann lekip pena bann muvman aktif pu ban fans ki byen organize pu konsyantiz bann dimunn, sirtu dan zot landrwa vinn motiv bann zwer ki pe reprezant zot landrwa. Par exanp, zot kapav organiz bann transpor gratis (sponsor pa manke), fer bann pavyon, kol bann lafis, eksetera. Eski zot pa ti byen organize kan ti ena bann lekip ki ti pe reprezant zot KOMINOTE ?! Eski bann Morisyen zot byen organize par zot mem zis dan bann afrontman konimalist ki ti degize an futborl? Note ki sa lepok'la, bann media ti byen aktif ek interese par sa bann afrontman'la.

Spor Moris pe sufer parski media pa interese. Morisyen, avek zot lespri tuzur kolonize, interese avek bann Angle! "Mwa mo Liverpool, Mwa mo Manchester..." Inn gran tan pu sanze. Inn ler pu azir. Prefer tar ki zame!

pibliye lor Star le 20 Avril 2008

Extre enn Pyes - Dernye Akt

2008-03-31T17:18:00.000+04:00

Enn gramaten, fam-la pe makiye devan laglas ek kan li fini, li
azenu devan so mari ki pe dormi, fer enn lizye du kuma enn mama pe get
so piti dormi ek anbras li lor so lazu. So mari leve, ek pus li...

Jistans twa depi mwa !

Monn mari plen avek to fason koze ek to latet jir pu konpran.

To agresivite ensit mwa pu vinn pli agresif ki twa.

Depi nu pe viv ansam tusel, mo ena lenpresyon ki to pe transform mwa an zanimo.

Seki explik de lane san okenn kreasyon artistik.

Mo pa sir si mo pu kapav viv avek to bann manyer pu lontan...

Sitan mo pe bwar bann konprime pu dormi, mo pe santi mwa deplizanpli
depresif ek lur, kumajir enn jimunn kinn perji jireksyon, ki nepli kone
kifer li vivan.

To pe detrir mo gu pu viv avek to bann ekzizans moral kan to mem to konport twa kuma enn fam ki ranpli ar imoralite.

Seki sorti depi to labus ek to fason viv, demanti seki to apel tomem.

To kone kifer maryaz aranze mars pli bien ki bann self-servis? Dan
premye-la ena respe. Enn relasyon ant enn mari ek fam, mem si laz inn
detrir romans, zot kapav viv ansam bien dan lamitye si ena respe.
Parkont, si ena lamur ek pena respe, li vinn enn lanfer ziska to kumans
ayir tomem pu amure avek seki fer twa sufer.

Monn abes mwa ziska pli pir pu fer sa relasyon marse ek zorji kan li
enn fyasko ek mo get mwa dan laglas, mo truv enn san lamurprop.

Si mo kontinye viv avek twa dan fason ki to ete, mo pu nepli kapav get momem.

To prezans pu fer mwa kontinye ena santima pu twa. Sekivejir, viv avek degu.

Mo pli gran fristrasyon, li pa kuma to jir, mo lanfans malere ek mo fami so inyorans.

Mo pli gran fristrasyon :

tonn fer mwa realize ki desizyon pli enportan ki monn pran dan mo lavi, li mo pli gran erer.

rido

© Tahir Pirbhay

Mekredi Nwar - La-ont Morisyen !

2008-03-28T17:37:00.001+04:00

Enn zour finn pase
lepep pe kalme
ankor enn semenn zot gete
merkredi nwar
pou rant dan bliye

Lepep divize
sakenn dan so kominote
kan zot pu konpran
ki Laura pa ti zis enn zanfan
kreol
li ti enn zanfan tou
kominote

Demin kan zot zanfan
ki pou enn zelev
parmi trwasan sinkant mil
kinn trouv lamor
akoz enn minis inkonpetan,

ki refiz
so responsabilite
ki res an liberte
ek kontinye azir
touzour kouma minis,

parey kouma moi
zot pou vomi ek ser
zot koudpoin, lizye ranpli
ek kriye ki zot onte
zot Morisyen

- Gokool touzour Minis Ledikasyon ek zis kominote kreol ki pe manifeste pou so demisyon.

http://pirbhaytahir.hi5.com

MERKREDI NWAR – GOKOOL INSILTE LAURA !

2008-03-28T11:52:00.001+04:00

Lamour prop demann Minis Gokool kit so post trankil ek vit. Li pena okenn rezon valab pou zistifye so inkonpetans, alor li pa donn nou okenn lezot sans me kroir ki li enn san lamour prop.

Me sa minis PTR la, pa zis li pena konsyans me li mari grosye parski linn azout insilt dan domaz ki so inkonpetans inn fer.
Gokool dir ki lor 350,000 dimounn, enn sel etidian kinn trouv lamor. Eski pou Minis Ledikasyon, sa etidian la so lavi pena valer ? Kitfoi si sa tifi la ti parante ar Gokool, ousoi li ti enn zanfan enn lot minis, so reaksyon ti pou diferan. Eski Navin Ramgoolam so silans lor sa deklarasyon Gokool la vedir ki li dakor ?

Gokool ena pouvoir pou fer ferm tou lekol dan bann ka spesyal kouma merkredi dernye me li pann fer li. Linn fer prev ki li pa konn pran desizyon kan ena bann problem. Alor kouma lepep kapav kontinye donn li responsabilite zot zanfan ? Eski li ti al demann Navin Ramgoolam konsey si li ti ena dout ousoi pa kone ki pou fer ?

Mo konpran ek salye bann abitan St Croix pou zot manifestasyon pou demann demisyon Gokool.

Navin personalite de lane dan enn "ZOUE" TOPFM

2008-03-21T15:49:00.001+04:00

Dan enn so bann "zoue", bann oditer TOPFM ti soizir Navin Ramgoola kouma personalite de lane 2007.

Kouma dan sak "zoue" ena enn gagnan. Preske tou oditer panse ki bann lezot oditer pou miz plis lor personalite ki okip pli gran plas dan pei. Dan sa lozik-la, dapre zot, Premye Minis so lakot pli bon parski zot panse ki pli boukou dimounn pou soizir li. Samem ki nou apel konportman lafoul.

Parmi bann oditer kinn partisip dan sa "zoue"-la eski TOPFM kapav rasir nou ki pa ti ena bann adolesan ek bann zanfan?

Si premyerman TOPFM pa ti soizir okenn oditer kouma gagnan, sekivedir li pa ti pou enn "zoue" ek dezyem-man si TOPFM donn enn garanti ki zot pa pran an konsiderasyon bann sms depi bann moin de 18 an, lerla li ti pou ena kredibilite.

Sinon nou apel sa enn zoue, enn badinaz... ek enn zoue ki ouver pou bann zanfan pena valer dan lemond politik.

Tahir Hussen Pirbhay
http://pirbhaytahir.hi5.com

IMOUR NWAR

2008-03-14T17:54:00.000+04:00

Morisyen sant lindepandans dan langaz kolonyal

Le 12 mars bann Morisyen pou kas zot poz lor zot sofa ek zot lizye pou brake lor tele pou get bann parad ek seremoni lev pavyon.

Zot tou pou resanti zot fyerte nasyonal ek kan lim nasyonal pou zwe ek pavyon kat kouler pou mont dan ler, zot pwal osi pou lev dan ler - frisone !

Parey kouma toulelane, mwa ek bann lezot patriyot langaz Morisyen, pou gagn enn melanz riye ek degou kan nou get lepep Morisyen pe sant lindepandans dan langaz kolonyal.

Toulezour Morisyen koz kreol ant Morisyen, me zour lindepandans, zot sant dan langaz zot bann "Sir".

Ki fyerte nasyonal zot pe zaze kan zot pa fyer zot prop langaz ek sant liberte dan langaz kolonyal ?

Ti pou mari serye ki lane prosenn, parey kouma Minister Lar ek Kiltir inn organiz enn konkour bann sante patriotik sa-lane-la, zot organiz enn konkour lim nasyonal !

Pa fasil pou gard bann lespwar koumsa…

Mo prefer met mo lespwar lor lezot zafer ki ena plis sans pou arive.

pibliye lor lemauricien le 14 Mars 2008

NOU LANGAZ, NOU FYERTE

2008-02-27T17:42:00.002+04:00

Kot bann patriyot langaz morisyen ?

Lindepandans pe koste ek kouma sak lane pou ena enn ta "maskarad" patriyotik.

Depi 1968, Morisyen inn gagn lindepandans ek kouma bann gro inbesil zot pe sant lindepandans dan langaz kolonyal.

Dan lasanble lil Moris, bann minis morisyen pe koz angle ek franse… " Mr Speaker Sir… " Pourtan, dan bann miting avan eleksyon, zot konn koz zot kreol mari bien mem. Ek zour lindepandans, bann minis pou koz an angle ek franse koumadir zot pa trouv okenn fyerte dan langaz nasyonal pei ki zot pe servi. Samem bann ipokrit ki pe fer reklam : " Nou Pei Nou Fyerte " !

Eski li normal ki mem Zourne Labolisyon Esklavaz ena minis ti adres bann desandan esklav dan langaz bann esklavazist ?

Enn bann detay ki mari degradan ek imilyan ki toultan finn pas inapersi pou enn bon parti lepep ki pa reflesi.

Apre 40 banane ki nou kadrikolor pe flote, pann ariv ler pou ena enn lim nasyonal an kreol ? Ek si zot tro atase ar zot Motherland, kifer pa tradir li, mem mo-pou-mo me omoin dan nou langaz nasyonal. Li pou enn bon koumansma pou met enn fin lor bann lespri kolonize :

Gloir pou toi

Mo pei

O mo pei natal

Mari zoli to bote

Mari bon to parfin

Otour toi nou reini

Enn sel lepep

Enn sel nasyon

Dan lape, zistis ek liberte

Bieneme pei

Ki bondie beni toi

Pou leternite

Nou Langaz, Nou Fyerte !

Tahir Pirbhay

pibliye lor lemauricien ek DEFIMEDIA le 27 fevriye 2008

TCHOOS EK HIJAB DAN LEKOL

2008-02-21T11:43:00.002+04:00

Enn zelev ti ranvwaye depi lekol parski li ti met tchoos.

Tchoos, li enn vetman islamik - enn pantalon - ki kouver lipye bann tifi ek bann madam ek hijab li enn latoil ki kouver zot seve. Li inportan ki zot met tchoos ek hijab depi zot piberte.

Zelev-la pa pe kouver so iniform. Li met mem iniform ki lezot zelev. Zis enn hijab lor so seve ek enn tchoos ki paret anplis, parey kouma enn zelev kapav pe met enn kasket ousoi enn kolan.

Li pa normal ki zot aksepte enn zelev ki rant dan lekol avek enn kasket lor so seve ek enn kolan me zot ranvway zelev ki pe met hijab ek tchoos!

Ena plizir lekol ki anpes bann zelev met tchoos ek hijab. Sa bann met/metres lekol ek rekter/rektris kolez-la, zot dir ki bann zelev bizin met iniform pou ki zot tou resanble parey, kouma bann Morisyen avan tou. Zot bizin pa met nanye ki idantifye zot par zot krwayans.

Dapre zot prop lozik, zot bizin defann bann zelev indou met lakord rouz otour zot lebra ek lasenn bonjye eksetera, anpes bann katolik met lasenn lakroi ek lezot aksesoir ki fer alizyon ar zot relizyon. Parey pou bann boudist ek lezot relizyon. Parski sa bann aksesoir-la osi idantifye bann zelev par zot krwayans respektiv.

Bann met/metres ek rekter/rektris lekol ek kolez bizin konpran ki enn morisyen li enn dimounn ki respekte so prosin, respekte so prosin so lafoi, les so prosin viv dan so lafoi ek res an akorite, dan lape, lazistis ek larmoni avek so prosin.

Kouma zot kapav fer enn imin viv kouma enn morisyen kan zot montre li ki so relizyon pena plas dan zot lekol ek kolez?

Zot dir zot pe rod kre enn latmosfer "morisyen" dan lekol ek kolez kot tou kominote aprann viv ansam, me rezilta zot pe fors bann mizilman met zot zanfan zis dan lekol ek kolez islamik.

Mo espere ki zot latitid anver bann zelev mizilman pou sanze bien vit ek mo espere osi ki minister ledikasyon pou pas bann laloi an faver tchoos ek hijab ek lezot aksesoir bann lezot relizyon dan lekol ek kolez par respe tou relizyon.

Moris li enn peyi miltirasyal kot ena plin kominote, ek diver kiltir, tou kouler kouma nou kadrikolor.

Apre problem Azaan aster Tchoos ek Hijab. Napa koumans fer tou kominote panse ki ena enn diskrimansyon dan peyi dan lord sa kat kouler ki divize lor nou pavyon !

Tahir Hussen Pirbhay
tahir.pirbhay@gmail.com
http://kabirhussen.multiply.com/

pibliye lor Star le 24 Fevriye 2008, lemauricien le 25 Fevriye 2008 ek lor DEFIMEDIA le 29 Fevriye 2008

POLISYE EXANPLER

2008-02-18T11:54:00.003+04:00

Siva Govinden enn ero !

Sa fer moi enn gran plezir kan monn lir dan lagazet kouma Siva Govinden inn pourswiv Himbert Saman ki ti arme avek enn sab dan Ste-Croix samdi pase.

Mem apre ki Siva Govinden ti gagn enn kout sab lor so lame gos, linn kontinye pourswiv so agreser ziska ki linn resi aret li. Sa montre ki kantite kouraz li ena ki li aksepte met so lavi an danze pou aret enn dimounn ek ziska ki poin li kapav ale pou loner so iniform.

Si tou bann polisye swiv lexanp Siva Govinden, fer zot travay kouma bizin - avek kouraz ek loner - dan enn pros avenir, nou pou nepli trouv vol, vyol ek lezot agresyon lor zournal toulezour.

Lepep pou gagn konfyans dan lapolis ek zot pou respekte bann polisye. Krim pou diminye ek pou ena enn santiman sekirite dan Moris.

Toutfoi, li ti pou meyer si tou polisye, ninport ki so grad ek so fonksyon, ena zarm. Ki li enn matrak, gaz lakrimozenn ousoi revolver, afin ki zot kapav fasilman konbat bann kriminel ek diminye bann risk ki zot fer zot agrese…

Nou espere ki biento Siva Govinden pou inspir bann nouvo ero, bann nouvo polisye exanpler !

Nou souet li enn bon retablisman ek dir li : bravo !

tahir.pirbhay@gmail.com
http://kabirhussen.multiply.com

pibliye lor lemauricien le 16 Fevriye 2008

2008-02-13T11:27:00.001+04:00

Nou bizin fyer !

Dan so lartik le 4 fevriye 2008, Shiv Prasad dir ki sa pou fer li mari plezir si lot kout kan li vinn Moris, li trouv bann etidyan liniversite koz angle ant zot mem.

Li trouv kreol enn langaz sovaz ek pou ki enn imin gagn meyer sans dan lavi ek konfyans dan li mem, li bizin mari bon dan angle.

Mo pa kone sipa Shiv Prasad enn Morisyen kinn etabli ousoi pe anvi etabli dan Langleter,

me les nou dir Misye Prasad ki nou, Morisyen, nou ena lamour-prop ! Nou ena fierte nasyonal !

Li malere ki sa lepidemi inferyorite-la pe propaze mem dan Moris. Personelman mo konn bann dimounn ki koz angle toultan avek zot bann zanfan ek rezilta : zot bann Morisyen ki gaga kan koz kreol. Ek parmi sa bann dimounn-la, ena bann profeser, minis, gran komersan ! Mo demann moi si le 12 Mars sa bann ipokrit-la pou santi zot fier parski pou moi, enn patriot lil Moris, li avan tou, enn patriot langaz Morisyen !

Langaz angle li langaz ofisyel dan lil moris, me byento, esperon ki li pou nepli langaz ofisyel, ousoi nepli sel langaz ofisyel. Langaz kreol pe gagn so valer ek moi mo mari fyer mo langaz ek kan mo trouv Morisyen pe ekrir an morisyen.

Enn konsey pou bann Morisyen : pa devlop enn mantalite kouma Shiv Prasad. Flush so reset parski li pou fer zot vinn enn san-lamour-prop…

Tahir Pirbhay

pibliye lor lemauricien 12 Fevriye 2008

Ramadan Mubarak

2007-09-10T10:46:00.000+04:00

Enn bon moi pou iliminasion nou leker

Ramadan li neviem moi dan kalandriye islamik. Islam servi kalandriye lalinn, seki vedir, sak moi koumans avek enn nouvo lalinn. Parski kalandriye lalinn li onz zour moins ki kalandriye solar, bann fet Islamik zot dat res sanze.

Roza (Karem) li enn parmi bann pilye Islamik ek dan moi ramadan bann mizilman gard karem tou lezour. Tou lezour bann mizilman lev boner pou fer "seri", enn repa ki zot manze avan soley leve. Zot ni manze ni boir - mem pa delo - depi soley leve ziska soley al kouse. Apre ki soley al kouse, zot kas zot karem ek apel sa Iftar. Normalman Iftar fer avek tam ek bann boison ki dou pou donn lenerzi vit.

Dan Roza ena boukou benefis. Kan zot fin ek soif, bann mizilman rapel bann soufrans bann pov ek sa ankouraz zot pou fer plis lasarite. Roza li osi enn oportinite pou kontrol-nou-mem ek pirifye nou lekor ek lespri. Ek dan sa moi sakre-la, roza ed bann mizilman trouv lape ki vinn par devosion ek relasion amikal avek bann lezot kroiyan.

"Bann Soufi inn dir ki Ramadan li enn bon moi pou iliminasion nou leker. Enn dimounn ki obzerv Roza souvan li experians bann vizion dan sa moi-la. Namaz li pirifye nou laam ek Roza iliminn nou leker. Pirifikasion nou laam vedir ki nou gagn deliverans depi bann pasion ki insit lemal; ek iliminasion nou leker vedir ki bann laport vizion ena posibilite ouver pou ki nou kapav 'retrouv' Bondie." (Mirza Ghulam Ahmad - Malfoozat Vol IV)

Dan enn kote, bann mizilman Sunni resit Quran par moyen bann lapriyer spesial ki apel Tarawih tou-le-soir apre Esha dan bann moske dan moi ramadan.

Dan lot kote, bann mizilman Shia zot pa fer Tarawih me zot fer lapriyer tar dan asoir couma tou le-soir dan bann lezot moi ki nou apel "Tahajjud". Ek dan sa moi la zot esey resit Quran dan so totalite.

Ramadan Mubarak pou tou bann mizilman.

Tahir Pirbhay

piblie lor lemauricien 12.09.2007

Suval Blan

2007-07-02T18:01:00.000+04:00

MAURITIAN CULTURE

St Helena's College celebrates…

21st June 2007, Music day, cool grey Vacoas, opens its arms and warmly welcomes into a Fantastic setting for the play written by the whiz kid of Kreol Playwriting, Tahir Hussein Pirbhay and interpreted by astonishingly talented students of St Helena's College. This is his first stage after winning the first prize with Ministry of Arts and Culture Kreol playwriting competition last year. So just imagine the excitement of the author and the pleasant surprise to see the four youth of Forms I to III, of this college acting in this play after weeks of rehearsals. The teachers have been of great guidance too.

Title : Suval blanc - 4-Act Play, in Kreol

Subject : Respect towards our grand parents

" … enn vie dimounn dan enn lakaz, li kouma ene profet "

The credit goes to the directors, Miss Shamila Warsalee, teachers and also the students of St Helena's college to encourage another Art form to mark an important date which 21st June has gradually become. And the college had also invited primary school pupils of the region into a get together of their students council day. The target was to encourage the débrouillardise of the students in different activities, other than the usual academics as stated by Miss Warsalee.

Mr Pirbhay's play has substance to guide, teach and help us understand our elders in another light. It's full of humanism, bold poetry in kreol language and the message is easily conveyed to one and all in this too busy, too indifferent and violent world that we are living in. This play says : Halt, take a deep breath and let us be a little more human. Written in the style of a George Orwell's Animal Farm, with animal characters, set in an American Indian scenario… the ingredients are present to please the young public, the adults and, as well, children. An insight into the play depicts a very modern society flaw… the rejection of Elders, the non respect, the generation gap problem and, despite that, the re-emergence of values in youth.

Instead of becoming some "Lost Angels of a ruined Paradise", Youth, given a chance, can become huge lighthouses.

They have the drive, the emotions, the talent and the expressions needed. They just need a platform, a framework and some real good guides…

Salaam-E-Jawaan

Secretrose

Published on the 2nd July 2007 on Lemauricien

Avortman : solisyon pou bann ki pa konn pran zot responsabilite

2007-04-12T18:16:00.000+04:00

Dan Forum Le Mauricien 2 avril, Dr Crish Virahsawmy dir ki tou bann pei devlope inn legaliz avortman dan koumansman so lartik ek dernye pei ki ti fer li ti Portugal, ki konsidere kouma pei pli katolik dan Lerop.

Nou tou kone ki legliz pa kontrol leta ek avek larzan ero, li pa enn sekre ki sak gouvernman ek laplipar zot sitwayin dan Lerop pe rod fer tou pou resanble la norm pou ki lezot konsider zot kouma bann vre Eropeen. Alor li bet ki nou asosye sa desizyon la avek relizion !

Li plito enn konpromi politik. Insiste ki Portugal enn pei bien katolik, sa desizion-la prouv lekontrer ek li enn move lexanp. Si ou anvi kone ki Labib dir, alor ouver ek lir.

Si lor sak problem nou al pran lexanp lor bann pei ki Dr Crish Virahsawmy apel pei devlope, abe biento nou pou trouv lil Maurice ki deza nou pe santi li, pou re kolonize par bann etranze dan enn lot form. Pran depi nou langaz ziska nou fason panse, Morisien pe rod gob tou seki vinn depi louest avek enn fierte… krwar ki zot pe vinn pli sivilize !

Kouma li difisil pou enn ris gagn paradi. Parol ki nou trouve dan bann gospel Nouvo Testaman. Eski li pa enn repons pou bann dimounn ki ena mwayin pou komet ek kouver zot bann imoralite : pran avion ek pey bann klinik dan bann pei ki Dr Crish Virahsawmy apel devlope ki permet touy enn lavi ki dan zot vant ? Enn lavi ki kitfwa inn forme par trayizon dan maryaz ouswa enn adolesan ki pann kapav tini so eksitasyon ek so paran ki pann kapav donn enn bon ledikasyon relizye ek moral ?

Dokter, enn adolesan li bizin kone ki kan li ouver so lazam ek pa servi enn bon kapot, li riske tom ansint. Adolesan-la so paran bizin sirvey so piti bien pre ek kone ki so piti pe fer. Anplas legaliz avortman pou ki, par exanp, li kapav kontiy so letid ek pas so lexamin, li pa ti pou meyer ki konsiantiz sa bann zanfan-la depi lekol lor prevansyon, donn zot enn ledikasyon sexiel ek ki bann paran anfin pran zot responsabilite pli serye.

"To pa pou touye" tou relizion dir. Li vre ki li enn krim si nou beni bann solda pou al lager pou enn rezon kouma swaf pouvwar, swaf grander, swaf petrol ! Me li vre osi ki tou relizion permet bann sitwayin enn pei pou defann zot mem ek li vre osi ki laplipar bann relizion ki pli pratike dan lemond, ankouraz bann imin pou vinn bann bon patriot ek defann zot pei kont bann atak etranze.

Si bann pei ki ena plis mama selibater, droger, alkolik, divorse, ek lezot fleo ki ena tro boukou pou site, zot ki ou apel sivilize ek devlope, alor mo souete ki Moris res aryere !

Personelman, mo trouv avortman pli imoral ki swisid. Parski swisid ou pe pran ou lavi, me avortman, ou pe pran enn lavi ki pa pou ou !

Prezervatif li enn solisyon pou kontrol nesans.

Avortman li enn solisyon pou bann ki pa konn pran zot responsabilite.

Konesans vedir kone ki ou fer ek fer seki ou kone.

Travay lor prevansyon, pa lor ankourazman bann vis.

Tahir Hussen Pirbhay

piblie lor lemauricien 12.04.2007

Azaan - Dan Lape, Lazistis Ek Liberte

2007-04-06T10:23:00.000+04:00

Mo dakor avek Swami Paramananda ki lapriyer bizen fer dan silans ek non pa dan tapaz. Nu bizen pa deranz nu prosen kan nu priye me nu prosen osi bizen pa ekzazere ek montre tolerans ek respe anver nu lapriyer.

Li vre ki suvan nu tann bann lamizik ek sante relizie for lor sime mem bien tar dan aswar me li pa enn zafer ki tulezur arive. Sof kan ena bann fet relizie ek nu kapav kont lor ledwa sitan zot rar. Pa akoz kat senk zur dan enn lane ki sa arive nu bizen lev kont sa ek amenn sa dan lakur! Li pu enn mank respe aver nu bann frer lezot kominote ek li al kont nu valer morisien.

Azaan li enn apel pu lapriyer. Namaaz ki lapriyer ek mejitasion. Kan bann mizilman fer namaaz, zot fer sa dan silans ek personn dan okenn lakaz pa tande kan bann mizilman pe priye. Me Azaan, mo rejir, li enn apel pu lapriyer ek li normal ki li bizen ena enn volim rezonab pu bann jimunn kapav tande sinon li pa efikas. Enn azaan pli long forse forse, kapav pran trwa minit. Fwa li par senk, sa fer zis kenz minit. Akoz kenz minit dan enn zur, zot truv sa enn problem, ek amenn sa swajizan problem la dan lakur.

Li pa normal ki nu met enn volim standar lor bann oparler dan moske kan donn azaan parski par ekzanp dan enn lavil kuma Port-Louis ena buku plis tapaz ki dan enn vilaz kuma Nouvelle Découverte. Si nu met mem volim, alor swa dan Port-Louis personn pa pu tande sof kat senk lakaz ki koste, uswa dan Nouvelle Découverte li pu tro for. Nu bizen bien kalkil volim pu sak rezion ek pu sak ler ki donn azaan ek osi pran an kosiderasion kantite moske ki ena dan enn rezion. Dan gramaten boner kapav bes li, dan lazurne mont li, dan aswar tar, re bes li sof dan bann plas kot ena tapaz. Ek si dan enn ti rezion ena trwa moske alor lor enn ti volim mem zot pu kapav kuver zot lanturaz.

Swami Paramananda dan so lartik jir ki "By the way, one may ask whether the use of loudspeakers is prescribed somewhere". Li vre ki dan tu bann liv islamik pann ekrir ki azaan bizen done dan oparler. Li pa ti ankor existe ek li pa ti neseser. Me li vre ki zorji ena plis tapaz ki lontan ek li neseser. Si enn jimunn donn azaan depi enn moske so minare an plen lari deforz, alor apart li mo demann mwa ki sana pu kapav tann li! Alor li bet ki nu vinn debat avek bann argiman kumsa.

Obeyir lalwa li enn pilye demokrasi, me obeyir lalwa islamik pu enn mizilman ek pratik relizion kuma bizen, li pli gran ki nenport ki lalwa. Ek li devwar sak mizilman pu konbat kont tu lalwa ki anpes zot pratik zot relizion. Alor pa soke pu truv bann mizilman kontinye donn azaan mem si lakur siprem kondamne azaan. Akoz bann jimunn kapav viv zot relizion, ki li endu, kretien, bujis ek mizilman, ki zot konsider zot kuma morisien. Anpes zot pratik zot relizion, zot pa pu santi zot morisien.

"Dan Lape, La Zistis Ek Liberte" - Pa bliye trwa mo ki dan nu lim nasional. Anpes enn kominote pratik so relizion kuma bizen, u pe anlev so liberte. Seki vejir u pe kre enn lenzistis. Ek dan lenzistis pena lape, ena santiman revolt ek laenn.

Tahir Pirbhay
tahir.pirbhay@gmail.com

piblie lor lemauricien 11.04.2007